جوبا 2017 جىلى باستالعان بولاتىن. سول جىلى جوباعا 2098 ۇمىتكەر قاتىسۋعا نيەت ءبىلدىرىپ, ونىڭ 102-ءسى جەڭىمپازدار قاتارىنان تابىلدى. قاتىسۋشىلارعا 1 376 396 داۋىس بەرىلگەن.
«قازاقستاننىڭ 100 جاڭا ەسىمى – 2018» جوباسىنا 1111 ءوتىنىم قابىلدانىپ, 29 ادام جەڭىمپاز اتانعان. بارلىعى 836 617 داۋىس بەرىلگەن.
جوبانىڭ ءىىى ماۋسىمىنا 1673 ادام ءوتىنىم بەرىپ, ونىڭ 32-ءسى جەڭىس تۇعىرىنا كوتەرىلدى. ءۇشىنشى ماۋسىمدا قاتىسۋشىلار 700 000 داۋىس جيناعان.
«100 جاڭا ەسىم»جوباسى باستالعالى بەرى 4882 ءوتىنىش ءتۇسىپ, 163 ادام جەڭىمپاز اتانعان. 3 جىل ىشىندە 2 913 014 داۋىس قابىلداندى. قازىرگى كەزدە «100 جاڭا ەسىم» جوباسىنىڭ IV ماۋسىمىنا ءوتىنىم قابىلدانىپ جاتىر.
ايتا كەتەيىك, «قازاقستاننىڭ 100 جاڭا ەسىمى» جوباسىنىڭ ماقساتى – تاۋەلسىزدىك جىلدارى قازاقستاننىڭ دامۋىنا ەلەۋلى ۇلەس قوسقان ادامداردىڭ تاريحى مىسالىندا باسەكەگە قابىلەتتىلىك, پراگماتيزم جانە بىلىمگە قۇشتارلىق يدەيالارىن ىلگەرىلەتۋ. ءاربىر قاتىسۋشى – تاۋەلسىز قازاقستاننىڭ دامۋىنا ءوز ۇلەسىن قوسقان بىرەگەي تۇلعا.
