قازاقستان • 03 ناۋرىز، 2021

قازاقستان مەن قىرعىزستان اسكەري ىنتىماقتاستىق تۋرالى قۇجاتتارعا قول قويدى

16 رەت كورسەتىلدى

قازاقستان مەن قىرعىزستان قورعانىس مينيسترلەرى اسكەري ىنتىماقتاستىق تۋرالى قۇجاتتارعا قول قويدى، دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.

قازاقستاننىڭ قورعانىس ءمينيسترى گەنەرال-لەيتەنانت نۇرلان ەرمەكباەۆ قىرعىزستان پرەزيدەنتىنىڭ رەسمي ساپارى اياسىندا كەلگەن قىرعىز ارىپتەسى گەنەرال-مايور تالايبەك ومىراليەۆپەن كەزدەستى. تاراپتار اسكەري ىنتىماقتاستىقتىڭ، وڭىرلىك قاۋىپسىزدىكتىڭ، ۇقشۇ، تمد، شىۇ شەڭبەرىندەگى كوپجاقتى ءوزارا ءىس-قيمىلدىڭ وزەكتى ماسەلەلەرى جونىندە پىكىر الماستى. نۇرلان ەرمەكباەۆ پەن تالايبەك ومىراليەۆ قىرعىزستانعا اسكەري-تەحنيكالىق كومەك كورسەتۋ، سونداي-اق 20212 جىلعا ارنالعان اسكەري ىنتىماقتاستىق جوسپارى تۋرالى كەلىسىمگە قول قويدى.

«بۇگىنگى كەزدەسۋ بارىسىندا قول جەتكىزىلگەن ۋاعدالاستىقتار قورعانىس سالاسىنداعى بۇدان ءارى تاجىريبەلىك ءوزارا ءىس-قيمىلعا نەگىز بولادى دەپ سەنەمىن»، دەپ قازاقستان قورعانىس ۆەدومستۆوسىنىڭ باسشىسى اتاپ ءوتتى.

كەزدەسۋ بارىسىندا ەكى ەلدىڭ قارۋلى كۇشتەرى بولىمشەلەرىنىڭ جاۋىنگەرلىك دايىندىعى، سونىڭ ىشىندە وسى جىلى قازاقستان اۋماعىندا «اڭىراقاي» بىرلەسكەن وقۋ-جاتتىعۋىن وتكىزۋ، بيىلعى ارميا حالىقارالىق ويىندارىنىڭ سايىستارىنا قاتىسۋ، ارنايى وپەراتسيالار كۇشتەرىن دايارلاۋ ءىس-شارالارى، سونداي-اق اسكەري ءبىلىم شەڭبەرىندە ءارى قاراي ءوزارا ءىس-قيمىل ماسەلەلەرى تالقىلاندى.

ايتا كەتەيىك، قىرعىزستان پرەزيدەنتى سادىر جاپاروۆ قازاقستانعا مەملەكەتتىك ساپارمەن كەلگەن بولاتىن. وسى ساپار اياسىندا قىرعىزستان باسشىسى قازاقستان پرەزيدەنتى قاسىم-جومارت توقاەۆپەن شاعىن جانە كەڭەيتىلگەن قۇرامدا كەلىسسوزدەر جۇرگىزدى. سونداي-اق ەكى ەلدىڭ باسشىلارى كەلىسسوزدەردىڭ قورىتىندىسى بويىنشا بىرقاتار قۇجاتقا قول قويدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار