تازالىق ناۋقانىنا دايىندىقپەن تانىسقان وبلىس اكىمى ومىرزاق شوكەەۆ كۇشەيتىلگەن رەجيمگە كوشۋدى تاپسىردى. قالا كوشەلەرىن كۇل-قوقىستان تازارتىپ, جولداردى جۋعا ارنالعان الۋان ءتۇرلى تەحنيكا تۇركىستان كوشەلەرىنە شىقتى. اتالعان جۇمىستار تىنىمسىز جۇرگىزىلەتىن بولادى. وبلىس ورتالىعىندا اپتا سايىن جالپىحالىقتىق سەنبىلىك ۇيىمداستىرىلۋدا. قالانى قوقىستان تازارتىپ, جاناشىرلىق تانىتقان جاندار تال ەگۋ جۇمىستارىنا دا بەلسەندى قاتىسۋدا. قالا تۇرعىندارى ءوز اۋلالارى مەن كوشە اۋماقتارىنداعى قوقىستاردى شىعارىپ, ارىقتاردى تازالاسا, قىزمەتكەرلەر مەكەمە ماڭىندا تازالىق جۇمىستارىن جۇرگىزۋدە.
قالاداعى قۇرىلىس نىساندارىندا جۇرگىزىلىپ جاتقان جۇمىستاردىڭ بارىسىمەن تانىسقان وبلىس باسشىسى شاھاردى جارىقتاندىرۋدا قولعا الىنعان جاڭا جوبالارمەن تانىستى. تۇركىستانداعى بارلىق ءىرى عيماراتتار, ساياباقتار, كوپىرلەر مەن دەمالىس ورىندارى ءبىر ۇلگىدە جارىقتاندىرىلىپ, قالاعا وزگەشە رەڭك بەرەدى. كونە شاھار بىرنەشە باعىتتا كوركەيىپ, زاماناۋي تەحنولوگيالاردىڭ كومەگىمەن «اقىلدى قالاعا» اينالۋدا.
