كوروناۆيرۋس • 03 ناۋرىز، 2021

شىمكەنتتە مۇعالىمدەردى COVID-كە قارسى ۆاكتسينالاۋ باستالدى

76 رەت كورسەتىلدى

شىمكەنتتە مۇعالىمدەردى كوۆيدكە قارسى ۆاكتسينالاۋ جۇمىستارى باستالدى. بۇل ءۇشىن قالاعا ءى-كومپونەنتتى 4800 دوزا جانە ءىى-كومپونەنتتى 3800 دوزا «گام-كوۆيد-ۆاك» ۆاكتسيناسى اكەلىندى. بۇل جولى ەكىنشى كەزەڭگە سايكەس كۆي-عا قارسى ەكپەنى مۇعالىمدەر، بالاباقشا تاربيەشىلەرى، جوعارى وقۋ ورىندارىنىڭ قىزمەتكەرلەرى الادى. بۇل توپقا 15 مىڭنان استام ادام كىرەدى، دەپ حابارلايدى Egemen.kz.

وسى ساناتتاعىلاردى ۆاكتسينالاۋ ءۇشىن العاشقى مەديتسينالىق-سانيتارلىق كومەك مەكەمەلەرىندە 21 ەگۋ كابينەتى دايىندالعان. مۇعالىمدەرگە ەكپە ەگۋ جۇمىستارى جەرگىلىكتى تىركەلگەن ەمحانالارىندا جۇرگىزىلەدى.

ەگۋ ناۋقانىن ساپالى وتكىزۋ ءۇشىن مىڭنان اسا مەديتسينا قىزمەتكەرى دايىندىق كۋرسىنان ءوتتى. ايتا وتەيىك، ۆاكتسيناتسيا ەرىكتى نەگىزدە جۇرگىزىلەدى.

سوڭعى جاڭالىقتار

ۇقساس جاڭالىقتار