ايماقتار • 02 ناۋرىز، 2021

قۇتقارۋشى ايەل قاۋىپسىزدىكتى قامتاماسىز ەتەدى

25 رەت كورسەتىلدى

مۋرشيدا وبوزنوۆا سولتۇستىك قازاقستان وبلىستىق تجد  جەدەل-قۇتقارۋ جاساعىندا مەدبيكە بولىپ جۇمىس ىستەيدى. بۇل قىزمەتتى ول مىنە، 9 جىلدان بەرى اتقارىپ كەلەدى. كاسىبي دايىندىعى بويىنشا «2-سىنىپتى قۇتقارۋشى».

ول قۇتقارىلاتىن ادامداردىڭ عانا ەمەس، جارالانىپ قالعان بولسا ءوزىنىڭ قۇتقارۋشى ارىپتەستەرىنە دە ەڭ العاشقى بولىپ مەديتسينالىق جاردەم بەرۋشى. سوندىقتان ارىپتەستەرىنىڭ ءبارى ونى قۇرمەتتەيدى. جىل سايىن ول قالالىق جاعاجايدا، قىس بولسا مۇز ۇستىندەگى بالىقشىلارعا قاۋىپسىزدىكتى قامتاماسىز ەتۋگە قاتىسادى، حالىقپەن پروفيلاكتيكالىق جۇمىس جۇرگىزەدى، دارىگەرگە دەيىنگى العاشقى مەديتسينالىق كومەكتى كورسەتەدى. ءوزىنىڭ كاسىبى تۋرالى مۋرشيدا بىلاي دەيدى: «مەن قيىن جاعدايعا تاپ بولعان ادامدارعا العاشقى بولىپ كومەك كورسەتەمىن. مۇمكىن، بۇل مەنى قۇتقارۋ بولىمىندە جۇمىس ىستەۋگە يتەرمەلەگەن ەڭ ماڭىزدى سەبەپ شىعار».

8 ناۋرىزدا مۋرشيدا ءۇشىن ەڭ باعالى سىيلىق – نەمەرەلەرىنىڭ ءوز قولىمەن جاساعان دۇنيەلەرى. ول ۇيدە سۇيىكتى انا، مەيىرىمدى، قامقورشى اجە. جەدەل-قۇتقارۋ جاساعىنداعى ارىپتەس ەر ازاماتتار ونى كوكتەم مەرەكەسىمەن كۇنىنەن بۇرىن قۇتىقتادى. ويتكەنى سول كۇنى توتەنشە جاعداي بولىپ قالسا مۇرشالارى بولماي قالۋى مۇمكىن عوي...

قىزىلجار

سوڭعى جاڭالىقتار

ۇقساس جاڭالىقتار