ايماقتار • 01 ناۋرىز، 2021

تەرگەۋشىلەردىڭ ۇستازى ۇلىقتالدى

49 رەت كورسەتىلدى

ءىىم قۇرمەتتى قىزمەتكەرى، وتستاۆكاداعى پوليتسيا پولكوۆنيگى قايدار كاشەنوۆتى 70 جاسقا تولىپ وتىر. مەرەيتوي يەگەرىن وبلىستىق پد باستىعى، پولكوۆنيك مارات تولەباەۆ جانە باسقالار قۇتتىقتادى.

قايدار ىسقاق ۇلى قىلمىستىلىق ءورشىپ تۇرعان قيىن-قىستاۋ 90-شى جىلدارى تەرگەۋشى بولىپ ىستەدى. ەسىرتكى بيزنەسى، رەكەت، مەملەكەت مەنشىكتەرىن تالان-تاراجعا سالۋ سياقتى قىلمىس تۇرلەرىمەن كۇرەسۋدە ءتارتىپ ساقشالارىنىڭ تاجىريبەلەرى بولماعان. جاڭا مىندەتتەردى يگەرۋگە وفيتسەرلەردىڭ ءبارى بىردەي شىدامادى، تەك ءتوزىمدى، ءوز جۇمىسىنا جان-تانىمەن بەرىلگەندەر عانا قالدى. ولاردىڭ اراسىندا جاس قىزمەتكەرلەردى ۇيرەتە الاتىن – زيالى ءارى بايسالدى، قايسار مىنەزدى پوليتسيا پولكوۆنيگى كاشەنوۆ بولاتىن.

ول كسرو ءىىم ۆولگوگراد جوعارى ميليتسيا مەكتەبىن 1978 جىلى بىتىرگەن. ەڭبەك جولىن سقو ىشكى ىستەر باسقارماسى تەرگەۋ ءبولىمىنىڭ تەرگەۋشىسىنەن باستاعان. كاسىبي قسيەتتەرى جانە تەرەڭ ءبىلىمى ءۇشىن قايدار ىسقاق ۇلىنىڭ ەڭبەگى ەلەنىپ، تەرگەۋ جەلىسى بويىنشا ءىىب باستىعىنىڭ ورىنباسارىنا دەيىن كوتەرىلدى.

«كاشەنوۆ مەكتەبىنىڭ» ىقپالى بۇگىنگى كۇنگە دەيىن سەزىلەدى. ءسىز تاربيەلەگەن ماماندار وبلىستان تىس اۋماقتاردا دا جاۋاپتى لاۋازىمداردا قىزمەت اتقارۋدا. ءسىزدىڭ قىزمەتتىك تىزىمىڭىزدە ءىىم جانە ءىىب 40-تان استام ماراپاتى بار، ونىڭ ىشىندە قر ءىىم قۇرمەت گراموتاسى، ء«مىنسىز قىزمەتى ءۇشىن» مەدالى، «قر ءىىم قۇرمەتتى قىزمەتكەرى»، «ميليتسيا ۇزدىگى» ءتوس بەلگىلەرى جانە كوپتەگەن العىستارى بار. ءسىز ءبىز ءۇشىن وتانعا قالتقىسىز قىزمەت ەتۋدىڭ جانە ءوز ماماندىعىنا دەگەن ادالدىقتىڭ ۇلگىسى -  ءوزىڭىز»، دەدى مارات تولەباەۆ ءوزىنىڭ سوزىندە.

قىزىلجار

سوڭعى جاڭالىقتار

ءسوزدىڭ جەتى بوياۋى

تانىم • كەشە

ورازانىڭ ءار ءساتى ساۋاپ

رۋحانيات • كەشە

ۇقساس جاڭالىقتار