ايماقتار • 28 اقپان، 2021

«مەن مۇنداي پوليتسيانى ەش جەردەن كورمەدىم...»

62 رەت كورسەتىلدى

تۇركيالىق ازامات سولتۇستىك قازاقستان پوليتسەيلەرىنە وسىلاي تاڭ قالىپ، العىسىن جەتكىزدى

ول قىزىلجاردان «Volvo» اۋىر جۇك كولىگىمەن تۇركياعا 20 توننا زىعىر اكەتىپ بارا جاتىپ، اۋىر ازاپقا تۇسەدى. سولتۇستىكتىڭ ساقىلداعان سارى ايازىندا اۆتوكولىكتىڭ اۋا سۇزگىسى ىستەن شىعادى. كەشىكپەي كابينانىڭ ءىشى مۇزداي باستايدى. مۇنداي سۋىقتى كورمەگەن، وعان قارسى ارەكەت ەتۋگە ماشىقتانباعان جىلى جەردىڭ جىگىتى ومىردەن تۇڭىلە باستايدى. ءتىپتى كومەك سۇراپ توقتاتقان كولىكتەرگە دە جاعدايىن قازاق نەمەسە ورىس تىلىندە تۇسىندىرە المايدى. وسىلاي، ابدەن قينالعان شاعىندا وعان كومەككە سولتۇستىك قازاقستان پد پاترۋلدىك پوليتسيا باتالونىنىڭ قىزمەتكەرلەرى  قانات تەڭىزباەۆ پەن سامات دانياروۆ كەلەدى. ولار مامليۋتكا-قوستاناي تاس جولىندا پاترۋلدىك ەتىپ جۇرگەن ەكەن. جولدىڭ 102 شاقىرىمىندا تۇرىپ قالعان «Volvoنى» ولار الىستان بايقاپ، جاعدايىن بىلمەككە كەلگەن.

ءتىسى تىسىنە تيمەي دىردەكتەگەن تۇرىك ازاماتى ولارعا دا جاعدايىن تولىق تۇسىندىرە المايدى. ەكى جىگىت ونى وزدەرىنىڭ ماشيناسىنىڭ جىلى سالونىنا ەنگىزىپ، تەرموستان ىستىق كوفە قۇيىپ، بويىن جىلىتىپ، تەلەفونداعى ونلاين-اۋدارماشىنىڭ كومەگىمەن تۇرىپ قالعان سەبەبىن بىلگەن. ىستەن شىققان اۋا سۇزگىسىن پوليتسەيلەر فوتوعا ءتۇسىرىپ، ۆاتساپپەن پەتروپاۆلداعى تانىستارىنا جولدايدى. ولار تاكسي جۇرگىزۋشىسىنەن جاڭا سۇزگىنى بەرىپ جىبەرەدى.

ال بۇل ۋاقىتتا تۇركيا ازاماتىن پوليتسەيلەردىڭ ءوتىنىشى بويىنشا وقيعا ورنىنا كەلگەن تج قىزمەتكەرلەرى قوناق ۇيگە اپارىپ، جىلى جەرگە تۇنەتەدى. ال ءتارتىپ ساقشىلارى ءتۇنى بويى ونىڭ جۇك كولىگىن قاداعالاپ جۇرەدى.

قانات تەڭىزباەۆ پەن سامات دانياروۆ كەلەسى كۇنى تاڭەرتەڭ شەتەلدىك قوناققا جاڭا سۇزگىنى ورناتۋعا دا كومەكتەسەدى. ءسويتىپ ونى ساۋ-سالەمەت جولعا سالىپ جىبەرەدى. راحماتتىڭ تۇرىكشە «تەشەكۋرىن» عانا ءبىلىتىن جىگىت، قازاقشا راحماتتى دا اۋزىنان تاستاماي ايتىپ، جولعا شىعادى.  ال پد اعىلشىنشا جازعان العىسىندا ول بىلاي دەپتى: «مەن قانشاما جولدا ءجۇرىپ مىناداي پوليتسيا قىزمەتكەرلەرىن ەشقاشان كەزدەستىرمەدىم. تەز كومەككە كەلەدى دەپ كۇتپەگەن دە ەدىم. شەكسىز العىس بىلدىرەمىن!» - دەپتى ول اۋدارما باعدارلاماسى ارقىلى تارجىمەلەنگەن ءوزىنىڭ سوزىندە.

ء«بىز قالا سىرتىنداعى جولدارعا قىزمەت كورسەتۋ كەزىندە باتالون قىزمەتكەرلەرىنىڭ قيىن جاعدايعا تاپ بولعان بارلىق ادامعا كومەك كورسەتۋىن تاپسىرامىز. ادامدار تاراپىنان بىلدىرىلگەن العىس — قىزمەتكەرلەردىڭ قۇقىقتىق ءتارتىپ پەن ادامداردىڭ قاۋىپسىزدىگىن قامتاماسىز ەتۋدەگى مىندەتتەرىن ويداعىداي ورىنداعانىنا بەرىلگەن باعا»، — دەيدى سقو پد پپب كومانديرى پوليتسيا پودپولكوۆنيگى ەرلان ماديەۆ.

ءسويتىپ، سولتۇستىك قازاقستان پد پاترۋلدەرى ءبىر ادامدى اجالدان اراشالاپ، تۋعان جەرىنە امان اتتاندىرىپ جىبەردى. شىن قينالعان ادامداردىڭ ايتقان العىسىنان ارتىق قانداي سىي بولۋشى ەدى...

سولتۇستىك قازاقستان وبلىسى

 

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار