ەكونوميكا • 25 اقپان، 2021

قازاقستاندا جاڭا كەن ورنى تابىلدى

29 رەت كورسەتىلدى

ماڭعىستاۋ وبلىسىنداعى بەينەۋ جانە ماڭعىستاۋ اۋداندارىنىڭ اۋماعىندا ورنالاسقان تەپكە ۋچاسكەسىنەن تز- ءبىرىنشى بارلاۋ ۇڭعىماسىنان مۇناي بۇرقاعى اتقىلادى. الىنعان سىنامالار بويىنشا مۇناي ساپاسى وتە جوعارى، جەڭىل، كۇكىرتى جوق، دەپ حابارلايدى Egemen.kz.

بۇل قۋانىشتى حاباردى وبلىس اكىمى س.ترۇموۆپەن كەزدەسكەن مەريديان پەترولەۋم كومپانياسىنىڭ پرەزيدەنتى ب. قۋاندىقوۆ جەتكىزدى. ونىڭ ايتۋىنشا تەپكەدەگى كەنورىن - ەلىمىز تاۋەلسىزدىگىن العالى 30 جىلدا ماڭعىستاۋ وبلىسىندا اشىلعان العاشقى ەڭ ءىرى كەن ورنى بولماق. «2018 جىلى باستالعان گەولوگيالىق بارلاۋ جۇمىسى ناتيجەسىن بەردى. الىنعان مۇنايدىڭ قىسىمى، دەبيتى، گازدىق فاكتورى جانە باسقا دا پارامەترلەرى بويىنشا ءىرى كەن ورنى بولادى دەپ جوسپارلاپ وتىرمىز. قازىر كەنورنىنداعى مۇناي قورىن انىقتاۋ جۇمىستارى ءجۇرىپ جاتىر. جاڭا كەنورىننىڭ اينالاسىندا «قاراقۇدىق»، «ارىستان» جانە «كومسومولسكوە» كەنورىندارى ورنالاسقان»،-دەدى مەريديان پەترولەۋم كومپانياسىنىڭ پرەزيدەنتى ب. قۋاندىقوۆ.

د

جاڭا كەنورنىنا اتى اڭىزعا اينالعان گەولوگ-بارلاۋشى، ماڭعىستاۋداعى بارلىق كەنورنىن اشۋعا اتسالىسقان حالەل وزبەكقاليەۆتىڭ ەسىمى بەرىلدى.

وبلىس اكىمى س.ترۇموۆ اتالعان مۇناي كەن ورنىنىڭ اشىلۋى ءوڭىردىڭ الەۋمەتتىك-ەكونوميكالىق دامۋىنا كەڭ سەرپىن بەرىپ، جاڭا جۇمىس ورىندارىنىڭ قۇرىلۋىنا جول اشىلاتىنىن ايتتى. ەل يگىلىگى ءۇشىن جاسالىپ جاتقان جاڭا باستاماعا ساتتىلىك تىلەدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار