ەكولوگيا • 25 اقپان، 2021

«ساسىعان ساي» بويىنشا ەكولوگيالىق ماسەلە وسى جازدا شەشىلەدى

8 رەت كورسەتىلدى

ەكولوگيا، گەولوگيا جانە تابيعي رەسۋرستار مينيسترلىگىنىڭ ەكولوگيالىق رەتتەۋ جانە باقىلاۋ كوميتەتىنىڭ توراعاسى زۋلفۋحار جولداسوۆ اتىراۋ قالاسىنا جۇمىس ساپارى اياسىندا كارىزدىك تازارتۋ قۇرىلىستارىنىڭ كەشەنىنە باردى، دەپ حابارلايدى Egemen.kz.

«ساسىعان ساي» بۋلانۋ القابى - اتىراۋ وبلىسىنىڭ باستى پروبلەمالارىنىڭ ءبىرى ەكەندىگى بارلىعىڭىزعا ءمالىم. قالانىڭ شەت جاعىنان بىرنەشە شاقىرىم جەردە ورنالاسقان بۇل ايماقتى ادامدار سول جەردەن شىعاتىن جامان يىسكە بايلانىستى اتاعان.

بىرنەشە ونداعان جىلدار بويى ءارتۇرلى كاسىپورىندار مەن تۇرعىندار وندىرىستىك جانە ەكونوميكالىق قالدىقتاردى، سونداي-اق اعىندى سۋلاردى اعىزىپ تۇرعان. بۇل اتموسفەرالىق اۋانىڭ كۇكىرتسۋتەكپەن لاستانۋىنا اكەلدى.

ءوڭىر اكىمدىگى ەكى جىل بويى قالانىڭ سول جاق جاعالاۋى ءۇشىن كارىزدىك تازارتۋ قۇرىلىستارى كەشەنىن سالۋ بويىنشا جۇمىس جۇرگىزىپ كەلەدى. كەشەننىڭ قۋاتتىلىعى تاۋلىگىنە 70 000 تەكشە مەتر اعىندى قۇرايدى دەپ كۇتىلۋدە.

قازىرگى ۋاقىتتا، كارىزدىك تازارتۋ قۇرىلىستارىنىڭ قۇرىلىس جۇمىستارى تولىق اياقتالدى. اعىمداعى جىلدىڭ ناۋرىز ايىنان باستاپ ىسكە قوسۋ-جوندەۋ جۇمىستارى جۇرگىزىلەدى.

كەشەن وسى جىلى جازدا پايدالانۋعا بەرىلەدى.

سوڭعى جاڭالىقتار

ەلداناعا ەل ريزا

سپورت • كەشە

جۇمەكەننىڭ «بالاۋساسى»

رۋحانيات • كەشە

سۇيىسپەنشىلىك ساباعى

ايماقتار • كەشە

ۇقساس جاڭالىقتار