«مەملەكەتتىك قىزمەتتەر ءۇشىن QR-تولەم جاساۋ جوباسى بىرنەشە اي بۇرىن ىسكە قوسىلعان بولاتىن. وسى ۋاقىتتىڭ ىشىندە ءبىز ءتيىستى قۇرىلعىنى قالاداعى بارلىق 9 حالىققا قىزمەت كورسەتۋ ورتالىعىنا ورناتتىق», - دەيدى «ازاماتتارعا ارنالعان ۇكىمەت» مەملەكەتتىك كورپوراتسياسى الماتى قالاسى فيليالىنىڭ ديرەكتورى دانيار قىرىقباەۆ.
ەندى ازاماتتار قانداي ءبىر قىزمەتتى العان كەزدە تولەم جاساۋ ءۇشىن مەنەدجەردەن QR قۇرىپ بەرۋىن ءوتىنىپ, سوسىن ءوزىنىڭ سمارتفونى ارقىلى بىرنەشە مينۋتتىڭ ىشىندە تولەي الادى. ايتا كەتۋ كەرەك, ءار كليەنت ءۇشىن ءاربىر قىزمەت بويىنشا جەكە QR-كود جاساقتالادى.
QR-كود ارقىلى, مىسالى, جەر ۋچاسكەسىنە اكتىلەردى دايىنداۋ جانە بەرۋ, جىلجىمايتىن م ۇلىككە قۇقىقتاردى, بانكتىك قارىزعا الۋ شارتى بويىنشا تالاپتار قۇقىعىن بەرۋدى, كوندومينيۋم وبەكتىسىن, زاڭدى تۇلعالاردى مەملەكەتتىك تىركەۋ, سونداي-اق جەر قاتىناستارى, جىلجىمايتىن جانە جىلجىمالى م ۇلىكتەر سالاسىنداعى باسقا دا مەملەكەتتىك قىزمەتتەر ءۇشىن تولەم جاساۋعا بولادى.
ازاماتتار حقو-دا مەملەكەتتىك قىزمەتتەردىڭ اقىسىن Homebank جانە Kaspi.kz قوسىمشاسىندا QR-كود ارقىلى كەزەكسىز, قاۋىپسىز جانە تەز تولەي الادى.
