قازاقستان • 24 اقپان، 2021

قازاقستاندا «سپۋتنيك-V» ۆاكتسيناسىنان جاعىمسىز رەاكتسيا تىركەلگەن بە؟

12 رەت كورسەتىلدى

بۇل تۋرالى وكق بريفينگىندە قر دەنساۋلىق ساقتاۋ ۆيتسە-ءمينيسترى - باس مەملەكەتتىك سانيتارلىق دارىگەر ەرلان قياسوۆ مالىمدەدى، دەپ حابارلايدى Egemen.kz.

ونىڭ مالىمەتىنشە، 20 157 ادام «سپۋتنيك -V» ۆاكتسيناسىنىڭ العاشقى دوزاسىن قابىلدادى. 22 اقپاننان باستاپ ەكىنشى كەزەڭدە 2 137 ادامعا ەكپە جاسالدى. الايدا جاعىمسىز رەاكتسيا تىركەلگەن جوق.

«23 اقپاننان باستاپ قاراعاندى فارماتسەۆتيكالىق كەشەنىنىڭ بازاسىندا وندىرىلگەن 93 مىڭ دوزا ۆاكتسينا وڭىرلەرگە جەتكىزىلەدى. سونىمەن مەديتسينا قىزمەتكەرلەرىن ۆاكتسيناتسيالاۋ اياقتالىپ، پەداگوگتارعا ەكپە سالۋ ناۋقانى باستالادى. ۆاكتسيناتسيا ەلىمىزدىڭ بارلىق وڭىرىندە جۇرگىزىلەدى. 786 ەگۋ پۋنكتىنىڭ 170-ءى جۇمىلدىرىلدى. ولاردىڭ بارلىعى قاجەتتى جابدىقتارمەن قامتاماسىز ەتىلگەن»، - دەدى قياسوۆ.

سوڭعى جاڭالىقتار

ۇقساس جاڭالىقتار