قىستىڭ ايازدى كۇندەرى بايقالاتىن بۇل قۇبىلىس پارگەلي دەپ اتالادى. پارگەلي – كونە گرەك تىلىندە «جالعان كۇن» دەگەن ۇعىمدى بىلدىرەدى. كەيدە ءالى كوتەرىلىپ ۇلگەرمەگەن كۇننىڭ شاپاعى كوكجيەكتە كادىمگى كۇننىڭ كوزى سياقتى بولىپ كورىنەدى ەكەن. كەيبىر تۇرعىندار قىستىڭ قاتتى ايازىندا اسپاننان 5 بىردەي «جالعان كۇن» كورگەندەرىن ايتادى.
مۇنىڭ سىرى مىنادا ەكەن: قىستا اتموسفەراداعى ىلعالدىڭ ميكروتامشىلارى قاتتى ايازدىڭ سالدارىنان مۇز كريستالدارىنا اينالادى. ميلليونداعان ميكروكريستالدار اۋا اعىسىنىڭ اسەرىنەن ءار جەرگە شوعىرلانىپ, شىعىپ كەلە جاتقان نەمەسە باتىپ بارا جاتقان كۇننىڭ ساۋلەسىنە شاعىلىسادى. ال ءبىزدىڭ كوزىمىزگە ول كادىمگى كۇننىڭ كوزى سياقتى بولىپ كورىنەدى ەكەن.
