تاريح • 24 اقپان، 2021

ەكى ەل اراسىنداعى مادەني بايلانىس

38 رەت كورسەتىلدى

نۇر-سۇلتان قالالىق مەملەكەتتىك ءارحيۆى ەكى ەل اراسىنداعى مادەني بايلانىستىڭ ماڭىزدىلىعىن ارتتىرۋ ماقساتىندا رەسەي فەدەراتسياسى ۋليانوۆ وبلىسىنىڭ جاڭا تاريحى مەملەكەتتىك ارحيۆىمەن ءوزارا ارىپتەستىك تۋرالى كەلىسىمگە قول قويدى، دەپ جازادى Egemen.kz

ارحيۆ سالاسىنىڭ اۋرە-سارساڭى كوپ دەسەك تە، كەيىنگى جىلدارى قوردالانىپ جاتقان ماسەلەلەر بىرتىندەپ شەشىمىن تاۋىپ كەلەدى. بايىرعى مۇراعاتتاردىڭ بۇگىنگى كەلبەتىن سىزۋ ءۇشىن، وتكەن ءداۋىردىڭ تەرەزەسىنەن تاعى ءبىر قاراۋعا ءتيىسپىز.

مۇنداعى ماقسات – ەكى جاقتىڭ مۇمكىندىكتەرى مەن عىلىمي-زەرتتەۋ قىزمەتتەرىن ءتيىمدى پايدالانۋ، مادەني مۇرانى ساقتاۋ، ەلدىڭ تاريحىنا، مادەنيەتىنە جانە تۇرمىس جاعدايىنا قاتىستى قولجازبالار مەن سيرەك كىتاپتاردىڭ قۇندىلىعىن انىقتاۋ. سونىمەن قاتار كاتالوگ­تەندىرۋ، قولجازبا باسپالارى، ليتوگرافيا، بەتتىك باسپا، تسيفرلى كوشىرمەلەر مەن قولجازبالاردى قولدانۋ جانە قايتا قالپىنا كەلتىرۋ جۇمىستارىنا قاتىسۋ ماقساتىندا ماماندارمەن الماسۋ ويعا الىنعان. وسىعان سايكەس كەلىسىمشارت اياسىندا ۇزاق جانە قىسقا مەرزىمدى تاعىلىمدامادان، وقۋ-وندىرىستىك جانە عىلىمي تاجىريبەدەن ءوتۋ جانە زەرتتەۋشىلەرمەن كاسىبي تاجىريبەلەر الماسۋ كوزدەلگەن.

– جاڭا باستامالار جارقىن ىسكە جولاشار بولماق. ەلباسى نۇرسۇلتان نازارباەۆتىڭ « ۇلى دالانىڭ جەتى قىرى» ماقالاسىنان تۋعان يدەيالاردى بىرتىندەپ جۇزەگە اسىرىپ جاتىرمىز. بۇگىندە ەل پرەزيدەنتى قاسىم-جومارت توقاەۆ تا ارحيۆ سالاسىنا ەرەكشە كوڭىل بولىپ وتىر. بۇل ىنتىماقتاستىق وتكەن زاماننىڭ اق-قاراسىن اجىراتىپ، ۇلىلاردىڭ ەڭبەگىمەن قايتا قاۋىشۋعا مۇمكىندىك بەرمەك، – دەيدى قالا ءارحيۆىنىڭ ديرەكتورى مەيرام بەكتەمباەۆ.

ەكى تاراپ عىلىمي كونسۋلتانتتاردى تارتۋ ارقىلى عىلىمي-پراكتيكالىق زەرتتەۋلەر جۇرگىزۋ جوسپارلانىپ وتىر. تاراپتار بىرىككەن كونفەرەنتسيالار، سەمينارلار، سيمپوزيۋمدار، دوڭگەلەك ۇستەلدەر ۇيىمداستىرىپ، باسقا دا ۇقساس عىلىمي شارالار جانە وزگە دە باستامالاردى جۇرگىزەدى. ارينە، مۇنىن ءبارى الداعى ۋاقىتتىڭ ەنشىسىندەگى دۇنيەلەر.

بۇل تاريحي ۋاعدالاستىق عىلىمي زەرتتەۋ سالاسىنداعى رۋحاني-مادەني جانە حالىقارالىق ماسەلەلەردى بىرلەسىپ شەشۋدەگى ەكى ۇيىم اراسىنداعى بايلانىستى نىعايتادى.

سوڭعى جاڭالىقتار

مۋتاتسيالانعان ۆيرۋس

مەديتسينا • بۇگىن، 22:15

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

بالقاشتا قار جاۋىپ جاتىر

اۋا رايى • بۇگىن، 15:48

ۇقساس جاڭالىقتار