ايماقتار • 23 اقپان، 2021

سينتەتيكالىق ەسىرتكىلەردى اۋىلدا دايىنداعان توپ قۇرىقتالدى

766 رەت كورسەتىلدى

سقو پوليتسيا دەپارتامەنتىنىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى سينتەتيكالىق ەسىرتكىلەردى ساتىپ كەلگەن وتباسىن قۇرىقتادى.

جەدەل-ىزدەستىرۋ ءىس-شارالارى كەزىندە ەسىرتكىلىك زاتتار پەتروپاۆل قالاسىندا كونتاكت جاساۋ جولىمەن ساتىلعانى انىقتالدى. ال ونى دايىندايتىن ءۇي قالادان 120 شاقىرىم جەردەگى جامبىل اۋدانىنداعى اۋىلداردىڭ بىرىندە ورنالاسقان ەكەن. مۇندا سينتەتيكالىق ەسىرتكىنى جاساۋعا قاجەتتى بارلىق جاعداي جاسالعان. بولمە جەلدەتكىشپەن جابدىقتالعان، كولبا، ولشەۋىش ىدىستار، قورعانىس كوستيۋمدەرى مەن رەسپيراتورلار جۇمىسقا دايىن تۇرعان. وسى كريمينالدىق بيزنەسپەن بىرگە تۇراتىن ەركەك پەن ايەل، سونداي-اق ولاردىڭ جاقىن تۋىستارى اينالىسقان.

ۇستاۋ جانە ءتىنتۋ كەزىندە پوليتسەيلەر شاعىن دوزالارعا ءبولىنىپ سالىنعان جانە ساتۋعا دايىندالعان سالماعى شامامەن 55 گرامم سينتەتيكالىق ەسىرتكىنى تاپتى. قاپتاۋعا ارنالعان ماتەريال، ۇيالى تەلەفوندار، دارىحانالىق تارازى، جازبالارى بار داپتەر جانە تاعى باسقا زاتتار تاركىلەندى. سونداي-اق سالماعى شامامەن 700 گرامم سينتەتيكالىق ەسىرتكىگە ۇقساس ۇنتاق تارىزدەس زات الىندى. الىنعان زاتتار سوت-حيميالىق ساراپتاماعا جىبەرىلدى.

قازىرگى ۋاقىتتا اتالعان فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قك 297-بابى بويىنشا ەنگىزىلدى. ەكى ەر ادام مەن ەكى ايەل ۇستالىپ، قاماۋعا الىندى. تەرگەۋ جۇرگىزىلۋدە.

جىل باسىنان سقو-دا 17 كگ استام ەسىرتكىلىك زات تاركىلەندى. 31 ەسىرتكى بۇزۋشىلىعى انىقتالدى. ەسىرتكى اينالىمىنا قاتىسقان 42 ادام ۇستالدى.

سوڭعى جاڭالىقتار

«كيىك جاپپاي قىرىلىپ جاتىر»..

ايماقتار • بۇگىن، 14:15

پنەۆمونيادان 5 ادام قايتىس بولدى

كوروناۆيرۋس • بۇگىن، 10:00

شقو-دا تۇرعىندار ەۆاكۋاتسيالاندى

ايماقتار • 09 ءساۋىر، 2021

تاسقىن قاۋپى اۋەدەن زەرتتەلدى

ايماقتار • 09 ءساۋىر، 2021

الماتىدا تاۋ باۋرايى وتقا وراندى

ايماقتار • 09 ءساۋىر، 2021

ۇقساس جاڭالىقتار