قار قۇرساۋىندا قالعان قالانىڭ ءىشى قايتا كۇشەيگەن اقتۇتەك بوراننىڭ سالدارىنان دۇرىس كورىنبەيدى, كوشەدە – قار قالىڭ.
قالا اكىمدىگىنىڭ تكش ءبولىمى تۇرعىندارعا «23-اقپان كۇنى اۆتوبۋستار سوڭعى ايالدامادان ساعات 18:00-دە سوڭعى رەت شىعادى. ۇيلەرىڭىزگە ەرتەرەك جەتىپ الۋ جاعىن ويلاڭىزدار» دەپ ەسكەرتتى.
ال ءتوتەنشە جاعداي دەپارتامەنتى بۇگىن قوستانايدا جۇمىس كۇنىن قىسقارتۋ كەرەك دەگەن ۇسىنىس ءبىلدىردى. «تجد قارلى بوراننىڭ كۇشەيۋىنە بايلانىستى, مەملەكەتتىك ورگاندارعا, ءبىلىم مەكەمەلەرىنە, ساۋدا ورىندارىنا ساعات 17:00-گە دەيىن جۇمىس ىستەۋدى كەڭەس ەتەدى» - دەپ جازىلعان تجد تاراتقان حابارلامادا.
