«61 مىڭ ادامدى ەۆاكۋاتسيالاۋعا 1 713 لوكوموتيۆ, 1 603 ۆاگون دايىندالدى. سونداي-اق ارنايى تەحنيكاسى بار 84 قالپىنا كەلتىرۋ جانە ءورت ءسوندىرۋ پويىزى دايىن. قازىرگى ۋاقىتتا 2 975 تەكشە مەتر كەسەك تاس جانە 8 250 دانا ستاندارتتى ەمەس تەمىربەتون شپالدارى دايىندالعان. تەحنيكانىڭ جانە ماتەريالداردىڭ دايىندىعى – 100 پايىز», دەدى مينيستر.
مينيستر «2021-2023 جىلدارعا ارنالعان سۋ تاسقىندارىنىڭ الدىن الۋ جانە جويۋ بويىنشا ءىس-شارالار كەشەنى» جول كارتاسى اياسىندا مينيسترلىكتە تاعى 1 ءىس-شارا قاراستىرىلعانىن ايتتى.
«ول قاراعاندى وبلىسىندا كوكپەكتى-قاراعايلى ۋچاسكەسىندە قاراسور كولىن اينالىپ وتەتىن تەمىر جولىن سالۋعا قاتىستى. قازىرگى تاڭدا مينيسترلىك اتالعان جوبانى ىسكە اسىرۋ ماسەلەسىن پىسىقتاپ جاتىر. جالپى سۋ تاسقىنى كەزەڭىنە دايىندىق جۇمىستارى مينيسترلىكتىڭ ارنايى باقىلاۋىندا تۇر», دەدى بەيبىت اتامقۇلوۆ.
