ەڭبەك مينيسترلىگى مالىمەتىنە سۇيەنسەك, 2020 جىلى ىسكە قوسىلعان 259 جوبانى ىسكە اسىرۋ جالعاسۋدا, ونىڭ اياسىندا 81 مىڭعا جۋىق ادام جۇمىسقا ورنالاستىرىلدى.
ىسكە اسىرۋ تاجىريبەسىن ەسكەرە وتىرىپ, جقجك-عا تالداۋ جۇرگىزىلدى جانە مىنالاردى كوزدەيتىن جاڭا تاسىلدەر ازىرلەندى:
– جاڭا تۇراقتى جۇمىس ورىندارىن قۇرۋ ءۇشىن ازاماتتاردىڭ كاسىپكەرلىك باستامالارىن كەڭەيتۋ;
– وتاندىق تاۋارلار ءوندىرىسىن, قىزمەتتەردى دامىتۋ جانە جۇمىس ورىندارىن قۇرۋ ءۇشىن «باستاۋ بيزنەس» جوباسى تۇلەكتەرىنىڭ بيزنەس-جوسپارلارىن قارجىلاندىرۋدىڭ (ميكروكرەديتتەۋدىڭ) قولجەتىمدىلىگىن ارتتىرۋ;
– جقجك-عا قۇرىلىس-مونتاجداۋ جۇمىستارى اياقتالعاننان كەيىن تۇراقتى جۇمىس ورىندارىن قۇرۋدى قامتاماسىز ەتەتىن الەۋمەتتىك-مادەني, ينجەنەرلىك-كولىكتىك, وندىرىستىك (يندۋستريالىق) ينفراقۇرىلىمدى جانە تۇرعىن ءۇي-كوممۋنالدىق شارۋاشىلىق وبەكتىلەرىن سالۋ ءارى رەكونسترۋكتسيالاۋ جونىندەگى جوبالاردى عانا قوسا وتىرىپ, ينفراقۇرىلىمدىق جوبالاردى ىرىكتەۋ كريتەريلەرىن قايتا قاراۋ.
2020 جىلى جقجك اياسىندا 239 مىڭنان استام جۇمىس ورنى قۇرىلدى, ونىڭ 6,6 مىڭى – تۇراقتى. بۇل رەتتە جۇمىسقا ورنالاستىرىلعان ازاماتتاردىڭ 50,3 پايىزى حالىقتى جۇمىسپەن قامتۋ ورتالىقتارى ارقىلى جۇمىس تاپتى, 6,5 مىڭ ينفراقۇرىلىمدىق جوبا ىسكە اسىرىلدى. جقجك ينفراقۇرىلىمدىق جوبالارىن ىسكە اسىرۋدىڭ ەرەكشە شارتى – وتاندىق وندىرۋشىلەردىڭ تاۋارلارى مەن قىزمەتتەرىنىڭ كەمىندە 90 پايىزىن قولدانۋدى قامتاماسىز ەتۋ.
قىزمەتكەرلەردىڭ كەمىندە جارتىسىن حالىقتى جۇمىسپەن قامتۋ ورتالىقتارى ارقىلى جالدايدى, جۇمىسسىز جاستارعا باسىمدىق بەرىلەدى. مەردىگەرلەر سانيتارلىق-ەپيدەميالىق شارالاردى قولدانا وتىرىپ, قاۋىپسىز ەڭبەك جاعدايلارىن قامتاماسىز ەتۋگە ءتيىس.
