شىعىستىڭ ايگىلى جەتى شايىرىنىڭ ءبىرى فيردوۋسي جىرلاعان, الەم ادەبيەتىنىڭ ۇزدىك تۋىندىسى سانالاتىن بۇل كىتاپ مۇحامەديا بايمەنوۆتىڭ جەكە كىتاپحاناسىندا ساقتالىپ كەلگەن. ال 2018 جىلدىڭ مامىر ايىندا جەزقازعان تاريحي-ارحەولوگيالىق مۋزەيىنىڭ 40 جىلدىق مەرەيتويىنا بايلانىستى وتكىزىلگەن ءىس-شارادا مۇحامەديا اقساقالدىڭ ۇلى ءاليحان بايمەنوۆ «شاحناما» كىتابىن مۋزەي قورىنا تارتۋ ەتىپتى.
وتكەن عاسىردىڭ باسىندا قارناق, شورناق, اقتاس مەدرەسەلەرىندە وقىپ, ءدىني ءبىلىم العان مۇحامەديا بايمەنوۆتىڭ ءومىرتاريحى تۇنعان تاعىلىم. كەڭەس زامانىنىڭ وزىندە ول كىسى جەزقازعاندا مەشىت اشۋ ماسەلەسىن باتىل تۇردە كوتەرىپ, پارتيانىڭ ورتالىق كوميتەتىنە ءبىر جارىم جىلدىڭ ىشىندە 15 رەت حات جازعان ەكەن. العان بەتىنەن قايتپاعان قايسار جان تاباندىلىعىنىڭ ارقاسىندا ماقساتىنا قول جەتكىزگەن: مۇحامەديا بايمەنوۆ مىستى شاھاردا تۇڭعىش مەشىتتى سالدىرىپ, ونىڭ العاشقى يمامى بولادى.
«حيجرا بويىنشا شامامەن 1329 جىلى جارىققا شىققان بۇل «شاحناما» كىتابىنىڭ پارسى, شاعاتاي جانە تۇرىك تىلدەرىندە جازىلعانىن انىقتاپ, وقىعاندار – جەزقازعان قالاسىنىڭ بۇرىنعى باس يمامى ءمادي سماعۇلوۆ پەن الماتى مەشىتىنىڭ قىزمەتكەرى ابدىقاپار قاري» دەگەن دەرەك كەلتىرەدى اتالعان مۋزەيدىڭ باسشىسى راۋشان قاپاروۆا.
قاراعاندى وبلىسى,
جەزقازعان قالاسى
