قوعام • 22 اقپان، 2021

الەۋمەتتىك سالا دەپۋتاتتاردىڭ ءجىتى نازارىندا

86 رەت كورسەتىلدى

وتكەن جىلى ادامزات بالاسىنا تونگەن ىندەتتىڭ سالماعى وڭاي بولعان جوق. جۇزدەگەن ادام جاقىندارىنان ايىرىلدى، الەمدىك ەكونوميكا داعدارىسقا تاپ بولدى. سونداي قيىن-قىستاۋ شاقتا ەل ازاماتتارى ىنتىماقتاستىق پەن جاپپاي جانقيارلىق تانىتتى. Nur وtan پارتياسى جانە ونىڭ بەلسەندى مۇشەلەرى ء«بىز بىرگەمىز» اكتسياسىن ۇيىمداستىرىپ، كوپتەگەن مۇقتاج جاندارعا  كومەك قولىن سوزدى. وسى كەزدە Nur otan جەتەكشى ساياسي ۇيىم ەكەنىن تاعى ءبىر دالەلدەپ، ناقتى ىستەردىڭ پارتياسى ەكەندىگىن كورسەتتى.

وزدەرىڭىزگە بەلگىلى، جۋىق ارادا عانا وتكەن «Nur Otan» پارتياسىنىڭ پارلامەنت ماجىلىسىندەگى فراكتسياسىنىڭ كەڭەيتىلگەن وتىرىسىندا سايلاۋالدى باعدارلامانى ورىنداۋ جونىندەگى «جول كارتاسى» تانىستىرىلدى.

پارتيا كوشباسشىسى، ەلباسى نۇرسۇلتان ءابىش ۇلى نازارباەۆتىڭ تاپسىرماسىنا «جول كارتاسىن» ازىرلەۋگە پارلامەنت ءماجىلىسىنىڭ دەپۋتاتتارى، ۇكىمەت مۇشەلەرى، پارتيا وكىلدەرى بەلسەندى قاتىستى.

بۇل باعدارلاما ەلىمىزدى ودان ءارى وركەندەتۋگە، زاڭدىلىق پەن ءتارتىپتى ساقتاۋعا، ۋاقىتشا قيىندىقتى ەڭسەرىپ، حالىقتىڭ ءال-اۋقاتىن جاقسارتۋعا باعىتتالدى. ياعني، مەملەكەت باسشىسى قاسىم-جومارت كەمەل ۇلى توقاەۆتىڭ ساياساتىن جانە پارتيانىڭ باعىتىن ىسكە اسىرۋعا مۇمكىندىك بەرەدى. وندا تۇڭعىش پرەزيدەنتىمىزدىڭ تاپسىرماسىنا سايكەس، بارلىق سالا بويىنشا، اسىرەسە الەۋمەتتىك ماسەلەلەردى شەشۋدىڭ ناقتى شارالارى كورسەتىلگەن. باسقاشا ايتقاندا، كوپتىڭ كوكەيىندە جۇرگەن سان تاراۋ ويدىڭ تامىرىن تاپ باستى دەپ بىلەمىز.

ەندى مىنە، ەكونوميكاداعى قيىندىقتارعا قاراماستان، Nur وtan ۇكىمەتپەن بىرگە 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسى اياسىندا، الداعى بەس جىلدىقتا اتالعان باعدارلامانى جۇزەگە اسىرۋ ءۇشىن 21 تريلليون تەڭگە ءبولۋدى جوسپارلاپ وتىر. باعدارلاما ەلىمىزدىڭ الەۋمەتتىك دامۋىن ىلگەرىلەتۋگە جانە حالىقتىڭ ءال-اۋقاتىن ارتتىرۋعا باعىتتالعان ناقتى شارالاردىڭ ءتيىمدى كەشەنىن قامتيدى. بۇل قۇجات جۇرتشىلىق تاراپىنان كەلىپ تۇسكەن بارلىق ۇسىنىستار مەن تالاپ-تىلەكتەردى ەسكەرىپ، جان-جاقتى زەردەلەنىپ ازىرلەندى. اتالعان باعدارلاما ءتورت باسىمدىقتى، ياعني، بارشاعا تەڭ مۇمكىندىك بەرۋ، زياتكەر، دەنى ساۋ جانە سالاماتتى ۇلت، تۇراقتى ەكونوميكا، ەسەپ بەرەتىن مەملەكەت پەن جاۋاپتى ازاماتتار قالىپتاستىرۋ سياقتى اۋقىمدى باعىتتاردان تۇرادى.

ءبىرىنشى باعىت بويىنشا «ەڭ باستىسى - الەۋمەتتىك ادىلدىك». وندا مۇقتاج جاندارعا قامقورلىققا باسا ءمان بەرىلىپ، الەۋمەتتىك ساياساتتى جۇرگىزگەندە قيىندىققا تاپ بولعان ازاماتتارعا اتاۋلى كومەك كورسەتۋ كۇشەيتىلەدى. ال باعدارلامانىڭ ەكىنشى باعىتى - «زياتكەر، دەنى ساۋ ۇلت قالىپتاستىرۋ». الداعى ۋاقىتتا ءبىلىم مەن عىلىمعا، دەنساۋلىق ساقتاۋ سالاسىنا، مادەنيەت پەن سپورتقا بولىنەتىن قارجى ۇلعايادى. ماسەلەن، دەنساۋلىق ساقتاۋ سالاسىن قارجىلاندىرۋ ىشكى جالپى ءونىمنىڭ 5% دان كەم بولمايدى.

ەلىمىزدىڭ باستى قالالارى نۇر-سۇلتان مەن الماتىدا 2 عىلىمي – ينوۆاتسيالىق كلينيكا سالىنادى. ال وڭىرلەردە 20 زاماناۋي مەديتسينا ورتالىقتارى بوي كوتەرمەك. ەلدى مەكەندەردەگى اۋرۋحانا-ەمحانالار قاجەتتى قوندىرعىلارمەن جابدىقتالادى. 2023 جىلى دارىگەرلەردىڭ جالاقىسى 2،5% ەسەگە وسەدى. سونىمەن قاتار 2022 جىلى نازارباەۆ ۋنيۆەرسيتەتىنىڭ تاجىريبەسى بويىنشا پەتروپاۆل جانە شىمكەنت قالالارىندا 2 وزىق وڭىرلىك جوعارى وقۋ ورنى قۇرىلادى. بۇل شىمكەنت قالاسىنىڭ دامۋى مەن حالقىنىڭ وسۋىنە جانە ءبىلىم ساپاسىنىڭ ارتۋىنا ىقپال ەتەتىن بولادى. اۋىلدىق وكرۋگتاردا سپورت نۇسقاۋشى قىزمەتى بولادى. سپورت جاتتىقتىرۋشىلاردىڭ دا ايلىعى                             100 پايىزعا كوبەيەدى. بۇل وتە قۋانتارلىق جاڭالىق.

ەندىگىسى وسى ماقساتتارعا جەتۋ ءۇشىن بەس جىلعا قويىلعان جوسپاردى ءتيىمدى ىسكە اسىرۋ قاجەت. بۇل رەتتە جول كارتاسىنىڭ بارلىق باعىتتارى ءماجىلىستىڭ كوميتەتتەرىنە ءبولىنىپ، باعدارلامانىڭ ناقتى تارماقتارىنا باقىلاۋدى كۇشەيتۋ ءۇشىن «Nur Otan» فراكتسياسىنىڭ دەپۋتاتتارى بەكىتىلدى. بۇل جول كارتاسىنداعى ءاربىر ورىندالۋى ءتيىس جۇمىس قاتاڭ باقىلاۋعا الىندى دەگەن ءسوز.                                                                                                                                                                        

ءبىز ەگەمەن مەملەكەت بولعالى قانشاما قيىندىقتى بىرگە ەڭسەرىپ، تاتۋلىقتى ساقتاپ، بىرلىگىمىزدى نىعايتىپ كەلەمىز. قازىرگى ۋاقىتتا ەلدى يگىلىككە اپاراتىن ءتورت باعىتتى سارالاپ بەرگەن ەلباسى نۇرسۇلتان نازارباەۆتىڭ  بارلىق جوسپارىن ءتيىمدى ورىنداساق، بولاشاعىمىزدىڭ جارقىن بولارى ءسوزسىز!

 

عاني تاشقاراەۆ،

قازاقستان رەسپۋبليكاسى

پارلامەنتى ءماجىلىسىنىڭ دەپۋتاتى، Nur Otan پارتياسى

فراكتسياسىنىڭ مۇشەسى

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار