ۇزىندىعى 4934 شاقىرىم بولاتىن كەپىلدەندىرىلگەن جول ۋچاسكەلەرىنە مونيتورينگ جۇرگىزۋ جانە 14 034 شاقىرىم جولدىڭ ناقتى جاعدايىن باعالاۋ كوزدەلگەن.
قازاقستانداعى جول ينفراقۇرىلىمى قاۋىپسىزدىگىن دياگنوستيكالاۋ مەن باقىلاۋ وسىدان ەكى جىل بۇرىن قولعا الىنعان بولاتىن. 2019 جىلى پاۆلودار جانە قاراعاندى وبلىستارىندا 2 مىڭ شاقىرىمنان استام جول تالداندى. بىلتىر ماماندار 16 345 شاقىرىم جولدى دياگنوستيكادان وتكىزدى. سونىڭ 4665 كم – كەپىلدەندىرىلگەن جول ۋچاسكەلەرىن مونيتورينگىلەۋ بولسا, 11 680 شاقىرىم جولدىڭ ناقتى جاعدايى باعالاندى.
ەسكە سالا كەتەيىك, باقىلاۋ دەرەكتەرى «جول اكتيۆتەرىن باسقارۋ جۇيەسىنە» ەنگىزىلۋدە. اتالعان جۇيە جولداردىڭ ورنالاسۋىن, گەومەتريالىق پارامەترلەرىن, جول قۇرىلىمدارىن, باعىت جاعدايىن, قوزعالىس قارقىندىلىعى مەن كولىك اعىنى قۇرامىن, سونداي-اق جولداردىڭ تەحنيكالىق كۇيىن جانە اقاۋلاردىڭ جيىنتىق ءتىزىمىن بىرىكتىرەدى. رەسپۋبليكالىق اۆتوموبيل جولدارىنىڭ ناقتى جاعدايىن اسپاپتىق باعالاۋ قاۋىپسىزدىك رەيتينگىن شىعارۋعا كومەكتەسەدى.
دياگنوستيكالاۋ كەزىندە جۇمىستى تەز جانە ءتيىمدى جۇرگىزۋگە, اۆتوموبيل جولدارى مەن قۇرىلىمدارىنىڭ جاي-كۇيى تۋرالى تولىق اقپارات الۋعا مۇمكىندىك بەرەتىن زاماناۋي تسيفرلىق قۇرىلعىلار قولدانىلۋدا.
