جىتىقاراداعى پاتەرلەردىڭ بىرىندە ەسىرتكى ساتىلاتىنى تۋرالى جەدەل اقپارات الىسىمەن دەرەۋ ىزدەستىرۋ شارالارىنا كىرىسكەن پوليتسيا قىزمەتكەرلەرى اتالمىش پاتەردى ءتىنتۋ بارىسىندا فولگاعا ورالعان 17 ەسىرتكى تۇيىنشەگىن تاپقان. زەرتحانالىق تەكسەرۋ قورىتىندىسى بويىنشا تابىلعان ەسىرتكى زاتتارى گەروين بولىپ شىقتى. اتالمىش پاتەردە تۇرىپ جاتقان ەر ادام پوليتسيا ەسىك قاعىپ جاتقاندا, ەسىرتكىنى ءىش كيىمىنە تىعىپ ۇلگەرگەن.
اۋداندىق پوليتسيا ءبولىمىنىڭ باستىعى بولات يمانوۆتىڭ ايتۋى بويىنشا, ناركوديللەرلەر جەرگىلىكتى ۋاقىتشا ۇستاۋ يزولياتورىنا قامالعان. ەسىرتكى ساتۋشى ايەل جۇكتىلىگىنە قاراماستان ءوزى دە ەسىرتكىنى پايدالانعان.
«كۇدىكتىلەر اۋداندىق سوتتىڭ شەشىمىمەن قاماۋدا جاتىر. اتالعان قىلمىس اسا اۋىر قىلمىستاردىڭ قاتارىنا جاتادى. قازاقستان رەسپۋبليكاسى قك 297-بابىنىڭ 3 ءبولىم, 1 تارماعىنا سايكەس كۇدىكتىلەردىڭ مۇلكى تاركىلەنىپ, ارقايسى ون جىلدان ون بەس جىلعا دەيىن باس بوستاندىعىنان ايىرىلۋى مۇمكىن» دەدى ءبولىم باستىعى.
