ايماقتار • 20 اقپان، 2021

ءنومىرى جوق ماشيناعا باسقانىكىن سالعان

222 رەت كورسەتىلدى

اۋىل اراسىندا كەيدە جول ءتارتىبىن ورەسكەل بۇزۋشىلىق كەزدەسىپ قالادى. جۋىردا سقو ەسىل اۋدانىندا پوليتسيا «قاۋىپسىز جول» جەدەل-پروفيلاكتيكالىق ءىس-شاراسىن جۇرگىزۋ بارىسىندا وتىن اكەلە جاتقان «ۋرال» جۇك كولىگىن توقتاتقان. تەكسەرۋ كەزىندە ونىڭ نومىرلىك بەلگىلەرى باسقا كولىككە تىركەلگەنى، ال رولدە وتىرعان قىزىلجار اۋدانىنىڭ 33 جاستاعى تۇرعىنىندا كولىك جۇرگىزۋ قۇقىنىڭ بولماعانى انىقتالدى. ول 2014 جىلى جۇرگىزۋشى كۋالىگىنەن 6 جىلعا ايىرىلعان. ايىرۋ مەرزىمى وتسە دە، ول جۇرگىزۋ قۇقىعىن قالپىنا كەلتىرمەگەن. ال ءنومىردى كاسىپورىنداعى باسقا ماشينانىكىن بايقاماي الىپ كەتىپپىن دەپ تۇسىندىرگەن.

جۇك كولىگىنىڭ يەسى قىزىلجار اۋدانىنىڭ 59 جاستاعى تۇرعىنى جۇرگىزۋشى كۋالىگى جوق ادامنىڭ جۇرگىزۋىنە سەنىپ تاپسىرعانى ءۇشىن جاۋاپكەرشىلىككە تارتىلادى. جۇك كولىگى ارنايى تۇراققا قويىلدى.

جالپى ءىس-شارا بارىسىندا وبلىس جولدارىندا 1591 ءتۇرلى قۇقىق بۇزۋشىلىق، ونىڭ ىشىندە 81-ءى جىلدامدىقتى اسىرۋ، 62-ءسى مانەۆرلەۋ قاعيدالارىن بۇزۋ فاكتىسى انىقتالدى. 17 جۇرگىزۋشى ماساڭ كۇيدە رولگە وتىرعان فاكتىلەر انىقتالعان.

سوڭعى جاڭالىقتار

جىراۋلىق ونەردىڭ جاناشىرلارى

رۋحانيات • بۇگىن، 21:56

Big Tech كومپانيالارىنىڭ قارجىلىق ماسەلەسى

باعدارلامالار • بۇگىن، 21:30

ۇستازى جاقسىنىڭ ۇستامى جاقسى

رۋحانيات • بۇگىن، 18:30

ۇقساس جاڭالىقتار