ايماق باسشىسىنىڭ مالىمەتىنشە, مونيتورينگتىك توپتار 2021 جىلعى 1- قاڭتاردان 17-اقپانعا دەيىن 2949 رەيد وتكىزىپ, ناتيجەسىندە شەكتەۋ تالاپتارىن بۇزعان 323 نىساندى انىقتاعان. ال جەدەل شتاب الداعى ايدىڭ باسىندا وبلىس اۋماعىنداعى تەمىر جول قاتىناسىن قايتا جانداندىرماق.
«بارلىق ەنگىزىلگەن ۇسىنىستاردى قاراپ, شتاب كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسياعا 2021 جىلعى 1 ناۋرىزدان باستاپ «قوستاناي-الماتى», «قوستاناي-قاراعاندى» پويىزدارىنىڭ قوستاناي وبلىسى بويىنشا كۇن سايىن ءجۇرۋىن جانە جولاۋشىلاردى وتىرعىزۋ/تۇسىرۋ ءۇشىن بارلىق تەمىرجول بەكەتتەرىن قايتا اشۋ تۋرالى شەشىمدى قولدادى. وتىرىس بارىسىندا مونيتورينگتىك توپتاردىڭ جۇمىسىن كۇشەيتۋدى تاپسىردىم» - دەپ جازدى وبلىس اكىمى.
