تاجىريبە كورسەتكەنىندەي كەيبىر تۇرعىندار قارۋعا ارنالعان سەيفتەردە بوگدە زاتتاردى ساقتايدى. بۇل ءتارتىپ بۇزۋشىلىق. قارۋعا قاتىستى قۇجاتتاردىڭ ءوزى بولەك ساقتالۋى كەرەك. تاعى ءبىر قاۋىپتى بۇزۋشىلىق – جۇمىس ىستەمەيتىن سيگناليزاتسيا.
ع.مۇسىرەپوۆ اتىنداعى اۋداننىڭ تۇرعىنى اتاسىنان قالعان 16 كاليبرلى ەكى ۇڭعىلى مىلتىقتى ساقتاعان. پوليتسەيلەر قارۋ يەسى قايتىس بولعان جاعدايدا ءبىر ايدىڭ ىشىندە قارۋدى اۋماقتىق پوليتسيا بولىمىنە ساقتاۋعا تاپسىرۋ قاجەتتىگى تۋرالى ەسكەرتەدى, كەيىن قارۋدى ءوز اتىنا رەسىمدەۋ نەمەسە ساتىپ جىبەرۋ تۋرالى شەشىمدى قابىلداۋ قاجەت. قارۋدى تىركەۋ بويىنشا شارا قابىلداماعان ەر ادامعا قاتىستى قر اكىمشىلىك قۇقىق بۇزۋشىلىق تۋرالى كودەكسىنىڭ 482-بابى «جەكە جانە زاڭدى تۇلعالاردىڭ قارۋدى زاڭسىز يەلەنىپ الۋى, بەرۋى, وتكىزۋى, ساقتاۋى, الىپ ءجۇرۋi, تاسىمالداۋى» بويىنشا ماتەريال جيناستىرىلدى.
«جالپى زاڭسىز ساقتاۋداعى 7 بىرلىك قارۋ الىندى. 2,5 مىڭنان استام قارۋ يەسى تەكسەرىلدى, ونىڭ 60-سى ساقتاۋ ەرەجەلەرىن, 17-ءسى تىركەۋ جانە قايتا تىركەۋ ەرەجەلەرىن بۇزعانى ءۇشىن جاۋاپقا تارتىلدى», - دەدى سقو پد اكىمشىلىك پوليتسيا باسقارماسىنىڭ اسا ماڭىزدى تاپسىرمالار جونىندەگى اعا ينسپەكتورى, پوليتسيا مايورى قۇرمان مۋسين.
سولتۇستىك قازاقستان وبلىسى
