ايماقتار • 20 اقپان، 2021

بوراندا اداسقان بالالار قۇتقارىلدى

54 رەت كورسەتىلدى

سقو ەسىل اۋدانى پوليتسيا ءبولىمىنىڭ كەزەكشى بولىمىنە بىرلىك اۋىلىنىڭ ماڭىندا ەكى بالانىڭ اداسىپ كەتكەنى جايلى حابارلاما كەلىپ تۇسكەن. 18 اقپاندا 17 جانە 7 جاستاعى اعايىندىلار شاناعا جەگىلگەن اتپەن ەسىل وزەنىنىڭ جاعاسىندا باعىلىپ جۇرگەن جىلقىلاردى قاراۋعا شىققان. كوپ ۇزاماي قار جاۋىپ، كوز اشىرماس قاتتى بوران سوققان. ال بالالاردا قالتافون بولماعان.

ەسىل اۋدانىنىڭ پوليتسيا ءبولىمىنىڭ باستىعى، پودپولكوۆنيك ەرلىك ەسلامبەكوۆ حابارلاما العاننان كەيىن ۋاز «پاتريوت» اۆتوماشيناسى جانە ءۇش قاردا جۇرەتىن كولىكپەن اۋداندىق ءبولىمنىڭ تاجىريبەلى قىزمەتكەرلەرىنەن قۇرالعان توپپەن بىرلىك اۋىلىنا تارتقان. تجب قىزمەتكەرلەرى مەن قورىقشىلار جانە جەرگىلىكتى تۇرعىندار دا جوعالعان بالالاردى شۇعىل ىزدەۋگە كىرىسكەن. توڭىرەكتى ماشينالارمەن، قاردا جۇرەتىن كولىكتەرمەن جانە اۋىل تۇرعىندارى سالت اتپەن ارالاپ شىققان. وقيعا كەشكى مەزگىلدە بولعان ەدى. اينالانىڭ قاتتى بوراننان جانە قاراڭعىلىقتان كورىنبەۋى ىزدەۋ جاساعىنا ساقتىق شارالارىن ساقتاۋعا تۋرا كەلتىرىپ، ولار وزدەرى دە اداسپاس ءۇشىن جۇپتاسىپ جۇرۋگە ءماجبۇر بولعان.

اقىرى بالالار اۋىلدان بىرنەشە شاقىرىم جەردە، ساعات ءتىلى 23.30-دى كورسەتكەندە ءبىر-اق تابىلدى. بوراننان ىققان ات بالالارعا قايىرۋ بەرمەي، ولاردى اۋىلدان باسقا باعىتقا قاراي الىپ كەتىپتى. سوسىن بالالار اۋىلعا جاياۋ جەتپەك بولعان. اعاسى ۇستىندەگى بارلىق سىرت كيىمىن شەشىپ، ءىنىسىن وراپ، ارقاسىنا مىنگىزىپ العان ەكەن. وزدەرى ابدەن شارشاعان، سويلەۋگە دە شامالارى كەلمەگەن.

ءسويتىپ، پوليتسەيلەر، اۋىل تۇرعىندارى، قورىقشىلار مەن قۇتقارۋشىلاردىڭ كۇش بىرىكتىرۋىنىڭ ارقاسىندا وكىنىشتى جاعدايعا جول بەرىلمەي، بالالار امان-ەسەن اتا-اناسىنا ورالدى.

سولتۇستىك قازاقستان وبلىسى

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار