ايماقتار • 18 اقپان، 2021

تۇركىستاندا لاۋازىمدى تۇلعالارعا قاتىستى 47 اكىمشىلىك حاتتاما تۇزىلگەن

192 رەت كورسەتىلدى

تۇركىستان وبلىسىندا زاڭ بۇزۋشىلىقتاردىڭ باسىم بولىگى جەر قاتىناستارى – 632 (54،6%)، حالىقتى الەۋمەتتىك قورعاۋ – 377 (32،5%)، اۋىلشارۋاشىلىق – 70 (6%)،  ساۋلەت جانە قۇرىلىس – 52 (4،4%) سالالارىندا ورىن العان، دەپ حابارلايدى Egemen.kz

وڭىرلىك كوممۋنيكاتسيالار قىزمەتىندە وتكەن بريفينگتە مەملەكەتتىك قىزمەت ىستەرى اگەنتتىگى تۇركىستان وبلىسى بويىنشا دەپارتامەنتىنىڭ باسشىسى، ادەپ جونىندەگى كەڭەس توراعاسى ايبەك ءشىلمانوۆ بىلتىر وڭىردەگى مەملەكەتتىك قىزمەت كورسەتۋ زاڭناماسىن ساقتاۋعا قاتىستى 35 تەكسەرۋ جۇرگىزىلىپ، ناتيجەسىندە 1157 بۇزۋشىلىق انىقتالعانىن ءمالىم ەتتى.  

«دەپارتامەنت تاراپىنان اكىمشىلىك قۇقىق بۇزۋشىلىققا جول بەرگەن بىرقاتار لاۋازىمدى تۇلعالارعا قاتىستى 47 اكىمشىلىك حاتتاما ءتۇزىلىپ، 1 807 525 تەڭگە ايىپپۇل مەملەكەت كىرىسىنە وندىرىلگەن. ءوز كەزەگىندە، قۇقىق بۇزۋشىلىقتاردىڭ ىشىندە كوپ كەزدەسەتىن جاعدايلار: رۇقسات بەرۋ مەرزىمىن بۇزۋ، رۇقسات بەرۋدەن نەگىزسىز باس تارتۋ، اكىمشىلىك جازا قولدانعاننان كەيىن ءبىر جىل ىشىندە قايتالاپ جاسالعان ارەكەتتەر»،  دەدى دەپارتامەنت باسشىسى.

وبلىستاعى 610 مەملەكەتتىك ورگاندا قازىرگى تاڭدا 6 624 مەملەكەتتىك قىزمەتشى جۇمىس اتقارۋدا. بوس لاۋازىمدار سانى – 388 بىرلىك. كادر تۇراقتىلىعى ارتقان. مىسالى، وتكەن جىلى وبلىس بويىنشا 260 قىزمەتشى مەملەكەتتىك قىزمەت جۇيەسىنەن كەتكەن.

بۇل كورسەتكىش الدىڭعى جىلمەن سالىستىرعاندا 63 قىزمەتشىگە ازايعان نەمەسە 19،5 پروتسەنتكە تومەندەگەن. قىزمەت بەرۋشى مەكەمەلەر تاراپىنان وتكەن جىلى 18 027 462 قىزمەتتىڭ 91،1%-ى ەلەكتروندى تۇردە كورسەتىلگەن.

«وتىنىشتەردىڭ نەگىزىندە دەپارتامەنتپەن 24 جوسپاردان تىس تەكسەرۋ جۇرگىزىلدى. ارىزداردىڭ 66،6%-ى قاناعاتتاندىرىلىپ، 8 تۇلعا تارتىپتىك جاۋاپكەرشىلىككە تارتىلدى. مەملەكەتتىك قىزمەتشىلەردىڭ تارتىپتىك جاۋاپكەرشىلىككە تارتىلۋ دەڭگەيى وڭىردە 11%-عا ازايعان. سونىمەن قاتار، الدىڭعى جىلمەن سالىستىرعاندا ادەپ نورمالارىن بۇزۋ دەرەگى بويىنشا تارتىپتىك ىستەر بىلتىر 43%-عا كەمىگەن»، دەدى ايبەك اقبەرگەن ۇلى.

سوڭعى جاڭالىقتار

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار