«بۇيرىق ءمينيستردىڭ وزىنەن ەمەس, جەكە پوشتا مەكەنجايىنا حات تۇرىندە كەلدى. مەن العىس ءسوزىن ايتىپ تۇرعام جوق, جەكە ادامدى قۇرمەتتەگەندىكتەن عانا. (...) مەن مۇنداي جاعدايدى كەز كەلگەن ادامعا قاتىستى ادىلەتسىزدىك دەپ سانايمىن. بۇگىن ەڭبەك كودەكسىن بۇزۋ تۋرالى بۇيرىق العان كەزدە, بۇل تۋرالى اشىق ايتامىن دەپ شەشتىم. مەنىڭ كەلىسىم شارتىم ۇزارتىلعان, 2020 جىلى ول شەكسىز مەرزىمگە سوزىلعان بولاتىن», دەدى تەاتر ديرەكتورى ايا قاليەۆا.
الايدا تەاتر ۇجىمى بۇل شەشىممەن كەلىسپەي وتىر. قىزمەتكەرلەر ايا قاليەۆانى جاقسى باسشىلاردىڭ ءبىرى دەپ سانايدى. سەبەبى ونىڭ تەاتر ديرەكتورى رەتىندە جۇمىس ىستەگەن كەزەڭىندە تەاتر ماڭىزدى ءارى ءبىرتالاي بەلەستى باعىندىرعانىن باسا ايتتى. بۇگىن تەاتر قىزمەتكەرلەرى باستى ساحناعا جينالىپ, باسشىلارىنا قولداۋ ءبىلدىرىپ, ونىڭ جۇمىستان شىعارىلۋىنا نارازىلىق ءبىلدىردى.
«مەن تەاتردا 10 جىلدان اسا ۋاقىت جۇمىس ىستەدىم. تەاتردىڭ ءبىراز ديرەكتورىمەن قىزمەت اتقاردىق. ءبىزدىڭ باستى مىندەتىمىز - تەاتر دەڭگەيىن كوتەرۋ, كورەرمەندەردى قۋانتۋ, مەملەكەتىمىزدە ونەر دەڭگەيىن كوتەرۋ. باسشىلىقتى وسىلاي وزگەرتكەن جاعداي بولماعان. بۇل كۇتپەگەن جاعداي بولدى. تەاتردا جۇمىس ىستەگەن ۋاقىت ىشىندە شىعارماشىلىق ۇجىم باسشىلارى وسىنداي ۇيىمشىل بولعان ەمەس. تەاتردى العا جىلجىتۋ يدەياسىن بارىمىزگە ۇلگى ەتتى. مۇنىڭ ءبارى ايا جاكەنقىزىنىڭ ەڭبەگى», دەدى بالەت ترۋپپاسىنىڭ جەتەكشىسى گۇلجان تۇتقىباەۆا.
