ەكى كۇدىكتى دە امانقاراعاي اۋىلىندا تۇرادى.ءتىنتۋ شارالارىن جۇرگىزۋ بارىسىندا ولاردىڭ ءبىرىنىڭ ۇيىنەن اۋلاسىنان وسىمدىك تەكتەس زاتتار تابىلعان. ساراپتامالىق زەرتتەۋ قورىتىندىسى بويىنشا تابىلعان زاتتاردىڭ ەسىرتكى ەكەنى, ناقتىراق ماريحۋانا جانە گاشيش ەكەنى انىقتالدى.
قازىر سوتقا دەيىنگى تەرگەۋ شارالارى ءجۇرىپ جاتىر. كۇدىكتىلەر قاماۋدا.
وبلىستىق پد ەسىرتكى قىلمىسىنا قارسى ءىس-قيمىل باسقارماسىنىڭ باستىعى اسىلبەك الماعامبەتوۆتىڭ ايتۋىنشا, وڭىردە جىل باسىنان بەرى 5 كيلوگرامنان استام ءتۇرلى ەسىرتكى قۇرالدارى زاڭسىز اينالىمنان الىنعان. وبلىستا ەسىرتكى وتكىزۋگە بايلانىستى 20, اسا ءىرى مولشەردە ەسىرتكى ساقتاۋعا قاتىستى 7, سونداي-اق, شەكارادان ەسىرتكى الىپ وتۋگە قاتىستى 4, ەسىرتكى قىلمىسىنا قاتىستى 37 وقيعا تىركەلگەن. باسقارما باستىعى ەسىرتكىگە قارسى كۇرەس شارالارى جالعاساتىنىن ايتتى.
