ايماقتار • 18 اقپان، 2021

Nur Otan تۇركىستان وبلىسىن دامىتۋدىڭ جول كارتاسىن بەكىتتى

54 رەت كورسەتىلدى

تۇركىستاندا «Nur Otan» پارتياسى تۇركىستان وبلىستىق فيليالىنىڭ ساياسي كەڭەسى بيۋروسىنىڭ ءماجىلىسى ءوتتى. ءماجىلىستى وبلىس اكىمى، وبلىستىق پارتيا فيليالىنىڭ توراعاسى ومىرزاق شوكەەۆ توراعالىق ەتىپ جۇرگىزىپ وتىردى، دەپ حابارلايدى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

كۇن تارتىبىندە  «Nur Otan» پارتياسىنىڭ تۇركىستان وبلىسى بويىنشا «وزگەرىستەر جولى: ءار ازاماتقا لايىقتى ءومىر!» سايلاۋالدى باعدارلاماسىن ورىنداۋ جونىندەگى جول كارتاسىن بەكىتۋ تۋرالى ماسەلە داۋىسقا سالىندى.

اتالعان قۇجات بويىنشا وبلىستىق ءماسليحات حاتشىسى قايرات بالابيەۆ بايانداما جاسادى. ول جول كارتاسىندا وڭىردەگى وزەكتى ماسەلەلەر قامتىلعانىن ايتىپ، فراكتسيا مۇشەلەرى جول كارتاسىن جۇزەگە اسىرۋعا بەلسەنە اتسالىسىپ، ەل سەنىمىن اقتايتىنىنا سەنىم ءبىلدىردى. بيۋرو مۇشەلەرىنىڭ قولداۋىمەن جول كارتاسى بەكىتىلدى. كۇن تارتىبىندەگى قاۋلىنىڭ ورىندالۋىن باقىلاۋعا «Nur Otan» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى بەيسەن تاجىباەۆ جانە اۋدان، قالا اكىمدەرى، باسقارما باسشىلارى جاۋاپتى بولىپ بەكىتىلدى.

جول كارتاسىنا سايكەس، تۇركىستان وبلىسىندا 5 جىل كولەمىندە 111 مەديتسينالىق نىسان، 266 مەكتەپ، 15 بالاباقشا، 236 سپورت، 27 مادەنيەت نىسانى سالىنادى. سونىمەن بىرگە 214 تۋريستىك نىسان سالىنىپ، وسى ارقىلى  وڭىرىمىزگە كەلۋشىلەر سانى 1،5 ەسەگە ارتىپ، 2 ميلليونعا جەتەدى دەگەن جوسپار بار. ينفراقۇرىلىمدى دامىتۋ دا نازاردا بولماق. وڭىردە 5656،11 شاقىرىم جول جوندەلەدى. 2300 شاقىرىمعا جۋىق تازا اۋىز سۋ جۇيەسى جۇرگىزىلەدى. 40 مىڭعا جۋىق جاڭا جۇمىس ورنى اشىلادى. 152 جاڭا كاسىپورىن اشۋ جانە كەڭەيتۋ ارقىلى شاعىن جانە ورتا بيزنەس سۋبەكتىلەرىنىڭ سانى 350 مىڭعا جاقىندايدى. اۋىل شارۋاشىلىعىنا قولداۋ كۇشەيەدى. 53 فەرما، 900 مال بورداقىلاۋ الاڭى قۇرىلادى. بەس جىلدا 21 مىڭنان استام پاتەر ەل يگىلىگىنە بەرىلەدى. اتالعان قۇجاتتا وسى جانە وزگە دە ماسەلەلەر قامتىلعان.

ءوڭىر باسشىسى ءو.شوكەەۆ جول كارتاسىنداعى ءاربىر مىندەتتى  جۇيەلى ءارى تالاپقا ساي ورىنداۋ مەملەكەت باسشىسىنىڭ تىكەلەي قاداعالاۋىندا ەكەنىن ايتا كەلە، بۇل باعىتتاعى جۇمىستارعا فراكتسيا مۇشەلەرى، جەرگىلىكتى اتقارۋشى ورگاندار بەلسەندى تۇردە قاتىساتىنىن جەتكىزدى.

سوڭعى جاڭالىقتار

دوللار ارزاندادى

ەكونوميكا • بۇگىن، 15:50

ۆاكتسينا سالدىرعاندار سانى ارتتى

كوروناۆيرۋس • بۇگىن، 09:17

1227 قازاقستاندىق ىندەتتەن ساۋىقتى

كوروناۆيرۋس • بۇگىن، 09:08

وتكەن تاۋلىكتە 1169 ادام ىندەت جۇقتىردى

كوروناۆيرۋس • بۇگىن، 09:01

ۇقساس جاڭالىقتار