وتىرىس جۇمىسىنا «Nur Otan» پارتياسى وڭىرلىك فيليالىنىڭ توراعاسى, سقو اكىمى قۇمار اقساقالوۆ قاتىستى. بارلىق ءىس-شارالار سايلاۋالدى باعدارلامانىڭ 7 باعىتى بويىنشا جوسپارلانعان. ولار – «ەكونوميكالىق تۇراقتى ءوڭىر», «جايلى ءوڭىر», «الەۋمەتتىك-باعىتتالعان ءوڭىر» جانە ت.ب. جول كارتاسىن ىسكە اسىرۋ ناتيجەلەرىنە قول جەتكىزۋ ءۇشىن بيۋدجەتتەن 435,4 ملرد. تەڭگە جانە 475,1 ملرد. تەڭگە جەكە ينۆەستيتسيالار مولشەرىندە قاراجات تارتۋ كوزدەلگەن. «5 جىل ىشىندە 70,2 ملرد. تەڭگەگە جەرگىلىكتى ماڭىزى بار 2,7 مىڭ كم جولدى رەكونسترۋكتسيالاۋ جانە جوندەۋ جۇرگىزىلەدى, بۇل ساپالى جولداردىڭ ۇلەسىن 69%-ن 98%-عا دەيىن ارتتىرۋعا مۇمكىندىك بەرەدى. وبلىستىڭ 142 اۋىلىندا سۋمەن جابدىقتاۋ وبەكتىلەرىن سالۋ جانە رەكونسترۋكتسيالاۋ جوسپارلانعان. بۇل ماقساتتارعا شامامەن 71 ملرد. تەڭگە تارتۋ كوزدەلەتىن بولادى. قۇرىلىستا ءبىز جالپى اۋدانى 1,9 ملن. شارشى مەتردەن اساتىن كوپ پاتەرلى تۇرعىن ۇيلەردى ىسكە قوسۋ ەسەبىنەن ءبىر تۇرعىنعا شاققاندا تۇرعىن ۇيمەن قامتاماسىز ەتىلۋ كورسەتكىشىنىڭ 22,3-تەن 25,5 شارشى مەترگە دەيىن ۇلعايۋىن كۇتەمىز», - دەدى اسقار ساقىپكەرەەۆ.
فراكتسيا وتىرىسىندا «Nur Otan» پارتياسى وڭىرلىك فيليالىنىڭ توراعاسى قۇمار اقساقالوۆ سويلەپ, «جول كارتاسىنا حالىققا بەرگەن ۋادەلەردى تولىق ءارى ساپالى ورىنداۋ جونىندەگى بارلىق قاجەتتى شارالار ەندى. ەندىگى مىندەت, وسى جۇمىستىڭ ۋاقىتىندا ورىندالۋىن, بولىنگەن قارجىنىڭ ماقساتتى جۇمسالۋىن باقىلاۋ. ال بارلىق شارانى ساپالى ىسكە اسىرۋ حالىقتىڭ ءومىر ءسۇرۋ ساپاسى مەن ءال-اۋقاتىن ارتتىرۋعا مۇمكىندىك بەرەدى», دەدى.
