كەزدەسۋ بارىسىندا الاتاۋ اۋدانىنىڭ تۇرعىنى زەردەلى ىقشاماۋدانىنداعى اپاتتىق ۇيلەرگە جوندەۋ جۇمىستارىن جۇرگىزۋ ماسەلەسىن كوتەردى.
قالا اكىمى بۇل ماسەلەنى ءجىتى نازارعا العانىن, بيىل اپاتتىق جاعدايداعى 10 ۇيگە جوندەۋ جۇمىستارىن جۇرگىزۋ جوسپاردا بار ەكەنىن ايتتى.
“مەن بۇل ماسەلە بويىنشا وزدەرىڭىزبەن ءجيى كەزدەسىپ وتىردىم. وسى وتكەن ەكى-ءۇش اپتا بۇرىن تاعى بارىپ قايتقان بولاتىنمىن. جۇرگىزىلىپ جاتقان جۇمىستاردى باقىلاۋعا الدىم. بيىلعى جىلدىڭ سوڭىنا دەيىن 10 ءۇيدى قالىپقا كەلتىرەمىز. قالعان ۇيلەردى جوندەۋ جۇمىستارى كەلەسى جىلى اياقتالادى”, - دەدى باقىتجان ساعىنتاەۆ.
سونىمەن قاتار, شاھار باسشىسى جوندەۋ جۇمىستارىنىڭ بارىسى مىندەتتى تۇردە تۇرعىنداردىڭ سۇراۋلارىنا سايكەس, ۇسىنىستارىن نازارعا الا وتىرىپ جۇرگىزىلەتىنىن اتاپ ءوتتى.
بۇگىنگى كۇنى بەرىلگەن قورىتىندىعا سايكەس (№1/180, 1/160, 1/161, 1/165) ۇيلەردىڭ ىرگەتاسىن نىعايتۋ بويىنشا جۇمىستار جۇرگىزىلدى, №1/167, 1/168 ۇيلەر بويىنشا جۇمىستار قولعا الىندى. ۇيلەردىڭ ىرگەتاستارىنىڭ نەگىزىن نىعايتۋ جونىندەگى جۇمىستار اياقتالعان سوڭ قاسبەتتەر سىرلانادى جانە تۇرعىن ۇيلەردىڭ كىرەبەرىستەرى جوندەلەدى.
2016 جىلدان بەرى بارلىعى 13 تۇرعىن ءۇي نىعاتىلادى, 17 ءۇي بويىنشا ۇسىنىمدار الىندى, وسىعان سايكەس 2021-2022 جىلدارى نىعايتۋ جۇمىستارى جۇرەتىن بولادى.
ەسكە سالساق, بۇگىن الماتى قالاسىنىڭ اكىمى باقىتجان ساعىنتاەۆتىڭ ەكىنشى ەسەپ بەرۋ كەزدەسۋى پاندەمياعا بايلانىستى ونلاي فورماتتا وتۋدە. سۇراقتار قويۋعا نيەت بىلدىرگەندەردىڭ بارلىعىنا 1308 بىرىڭعاي جەلى تەلەفونى جۇمىس ىستەيدى. سونداي-اق, سۇراقتاردى Whatsapp 8 777 046 33 33 نومىرىنە جىبەرۋگە نەمەسە الەۋمەتتىك جەلىلەردەگى ەسەپ بەرۋ كەزدەسۋىنىڭ ترانسلياتسياسى بويىنشا تۇسىنىكتەمەلەردە قالدىرۋعا بولادى. تۇرعىندار ءوز سۇراقتارىن ەفير كەزىندە قولجەتىمدى بولاتىن ZOOM كومەگىمەن دە قويا الادى. سونىمەن قاتار, سەگىز اۋداندا تۇرعىندار بارلىق سانيتارلىق نورمالاردى ساقتاي وتىرىپ, ءوز سۇراقتارىن قويا الاتىنداي ارنايى ورىندار قاراستىرىلدى. ونلاين كورسەتىلىم Facebook جانە قالالىق اكىمدىكتىڭ, "الماتى" ارناسىنىڭ, OpenAlmaty جانە StopCOV سايتىندا كورسەتىلەدى.
