قوعام • 17 اقپان، 2021

جوعارعى سوت توراعاسى جانە سۋدياسى لاۋازىمىنا قاتىستى تالاپقا وزگەرىستەر ەنگىزىلدى

36 رەت كورسەتىلدى

بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا وزگەرىستەر مەن تولىقتىرۋلار ەنگىزۋ تۋرالى» قر كونستيتۋتسيالىق زاڭ جوباسى ءبىرىنشى وقىلىمدا ماقۇلداندى، دەپ حابارلايدى Egemen.kz

قۇجاتتى قازاقستان رەسپۋبليكاسى پارلامەنتى دەپۋتاتتارى ازىرلەپ، زاڭ شىعارۋ باستاماسى تارتىبىمەن ەنگىزدى. اكىمشىلىك راسىمدىك-پروتسەستىك كودەكستى قابىلداۋ جانە ونى 2021 جىلعى 1 شىلدەدەن باستاپ قولدانىسقا ەنگىزۋ سوت جۇيەسىنىڭ جۇمىسىنا تۇزەتۋلەر ەنگىزۋدى تالاپ ەتەدى.

«قازاقستان رەسپۋبليكاسى جوعارعى سوتىنىڭ جانە وبلىستىق سوتتاردىڭ «قازاقستان رەسپۋبليكاسىنىڭ سوت جۇيەسى مەن سۋديالارىنىڭ مارتەبەسى تۋرالى» كونستيتۋتسيالىق زاڭدا بەلگىلەنگەن قولدانىستاعى قۇرىلىمى اكىمشىلىك راسىمدىك-پروتسەستىك كودەكستىڭ مىندەتتەرىنە تولىق كولەمدە جاۋاپ بەرمەيدى. زاڭ جوباسىنىڭ تۇزەتۋلەرى ەكى بلوكتان تۇرادى»، دەدى ءماجىلىس دەپۋتاتى قانات مۋسين.

بىرىنشىدەن، جوعارعى سوتتا اكىمشىلىك ىستەر بويىنشا سوت القاسىن قۇرۋ ۇسىنىلادى. قازىرگى مامانداندىرىلعان سوت القاسى تاراتىلاتىن بولادى. وبلىستىق سوتتاردا دا ءتيىستى سوت القالارى قۇرىلادى. بۇل شارا سوت جۇيەسىنە وڭىرلەردە ىستەردىڭ بولىنۋىنە بايلانىستى ۇنەمى وزگەرىپ وتىراتىن جاعدايعا جەدەل دەن قويۋعا مۇمكىندىك بەرەدى.

«زاڭ جوباسىندا مەملەكەت باسشىسى تاعايىنداۋعا ۇسىناتىن جوعارعى سوت توراعاسى جانە جوعارعى سوت سۋديالارى لاۋازىمىنا كانديداتتارعا قويىلاتىن تالاپتارعا قاتىستى وزگەرىستەر ەنگىزىلەدى. بۇل تۇزەتۋلەر ەلدىڭ جوعارعى سوت ورگانىنا قۇقىقتىڭ مامانداندىرىلعان سالالارىندا، مىسالى، سالىق قۇقىعىندا نەمەسە جەر قويناۋىن پايدالانۋ قۇقىعىندا كوپ تاجىريبەسى بار كورنەكتى زاڭگەرلەردى تارتۋعا باعىتتالعان. بۇل نەعۇرلىم داۋلى ىستەر بويىنشا سوت تورەلىگىنىڭ ساپاسىن قامتاماسىز ەتۋگە مۇمكىندىك بەرەدى جانە بۇكىل سوت جۇيەسىنە وڭ اسەرىن تيگىزەدى. بۇل تۇزەتۋلەر مەملەكەت باسشىسى ۇسىنعان كانديداتتارعا عانا قاتىستى ەكەنىن ەرەكشە اتاپ وتكەن ءجون. ولار باسقا سۋديالارعا قاتىستى بولمايدى»، دەدى دەپۋتات.

ەنگىزىلەتىن نورمالار اكىمشىلىك ادىلەتتى ەنگىزۋدىڭ باستاپقى كەزەڭىندە جۇكتەمەنى تەڭ بولۋگە، سونداي-اق اكىمشىلىك قۇقىق بۇزۋشىلىقتار مەن جاريا داۋلار تۋرالى ىستەردى قاراۋ جونىندەگى سوت پراكتيكاسىنىڭ ارا-جىگىن اجىراتۋعا مۇمكىندىك بەرەدى.

سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار