قارجى • 17 اقپان، 2021

قارجى پيراميدالارىن ۇيىمداستىرۋشىلاردىڭ قۇربانى بولماۋ ءۇشىن نە ىستەۋ كەرەك؟

17 رەت كورسەتىلدى

قازاقستاندا سوڭعى ۋاقىتتا قارجى پيراميدالارىنان زارداپ شەككەندەردىڭ سانى وسۋدە. تەك 2020 جىلى وسىنداي 100-دەن استام كومپانيا انىقتالدى. الاياقتار ازاماتتاردى الداۋ ءۇشىن نەعۇرلىم كۇردەلى سحەمالاردى ويلاپ تابادى. قىلمىسكەرلەر قانداي ادىستەردى ءجيى قولدانادى جانە قارجى پيراميدالارىن ۇيىمداستىرۋشىلاردىڭ قۇربانى بولماۋ ءۇشىن نە ىستەۋ كەرەك؟ اگەنتتىكتىڭ قارجى نارىعىنداعى اسىرا پايدالانۋعا قارسى ءىس-قيمىل باسقارماسىنىڭ باستىعى ماقسات شاعداروۆ اڭگىمەلەيدى.

الاياقتىقتىڭ بىرنەشە سحەمالارى بار: «جانر كلاسسيكاسى» - بۇل سحەماعا تارتىلعان قاتىسۋشىلاردىڭ سالىمدارى بۇرىن تارتىلعان قاتىسۋشىلارعا تولەۋگە باعىتتالاتىن، كوپتەگەن قارجىلىق پيراميدالار قولداناتىن اقشا تارتۋ سحەماسى. الاياقتار ءوز قىزمەتىن جاسىرۋ ءۇشىن ءجيى قولدانىلاتىن سحەمالاردىڭ ءبىرى جەلىلىك ماركەتينگ تۇرىندە جۇزەگە اسىرىلادى. جەلىلىك ماركەتينگ تە، قارجىلىق پيراميدالار دا يەرارحيالىق قۇرىلىمعا يە، حالىقتى تارتۋ باعدارلاماسى، ياعني ماركەتينگتىك جوسپار، ءونىمدى نەمەسە قىزمەتتى ساتۋدان بونۋستار تولەۋ جانە ت.ب.، - دەيدى شاعداروۆ.

«بۇگىنگى تاڭدا الاياقتار ازاماتتاردان اقشا الۋدىڭ نەعۇرلىم كۇردەلى سحەمالارىن جاساۋدا. 2020 جىلى قازاقستاندا قارجى پيراميدالارىنىڭ بەلگىلەرى بار 100-دەن استام كومپانيا انىقتالدى. الاياقتاردىڭ ەڭ تانىمال ادىستەرى – بۇل جەلىلىك ماركەتينگ، تۇتىنۋ كووپەراتيۆتەرىنە تارتۋ، سونداي-اق قىسقا مەرزىمدى جانە ۇزاق مەرزىمدى جوبالارعا ينۆەستيتسيا سالۋ»، - دەدى ماقسات شاعداروۆ. 

جەلىلىك ماركەتينگتىڭ پرينتسيپتەرى ءونىمدى ساتۋدان پايدا تابۋعا نەگىزدەلگەن. وسى ماقساتتا سەرتيفيكاتتار، زەرگەرلىك بۇيىمدار، كوسمەتيكا، دەنە كۇتىمىنە ارنالعان ونىمدەر قولدانىلادى. كوپتەگەن ادامداردىڭ جەلىلىك ماركەتينگكە كۇمانمەن قارايتىنىنا قاراماستان، باستاپقى تولەمنىڭ بەلگىلى ءبىر مولشەرىن عانا تولەپ جىلجىمايتىن م ۇلىك ساتىپ الۋ ۇسىنىسى كوپشىلىك ءۇشىن وتە تارتىمدى كەلەدى.

«جىلجىمايتىن م ۇلىك، اۆتوموبيل جانە باسقا دا قىمبات م ۇلىك ساتىپ الۋعا اقشا جيناۋعا كومەكتەسەتىن كومپانيالار بەلسەندىلىك كورسەتە باستادى. جيناق باعدارلاماسىنا ەنگىزەتىن جارنا جيناق سوماسىنا قاراعاندا ازىراق. مىسالى، قاتىسۋشى التى اي مەرزىمگە 800 دوللار سالادى، ول التى ايدان كەيىن  19 200 دوللار سىياقى الادى. سىياقى سوماسىنا شاقىرىلعان قاتىسۋشىلاردىڭ سانى مەن ولاردىڭ سالىمدارىنىڭ مولشەرى اسەر ەتەدى. سونداي-اق، 200% جانە ودان دا كوپ مولشەردە سىياقى تولەۋدى كوزدەيتىن باعدارلامالار بار، بۇل رەتتە قاتىسۋشىنىڭ قۇقىقتاردى بەرۋى نەمەسە م ۇلىكتى كەپىل رەتىندە قالدىرۋى نەگىزگى تالاپ بولىپ تابىلادى. اباي بولۋ كەرەك»، - دەيدى اڭگىمەلەسۋشى.

شاعداروۆ اتاپ وتكەندەي، ەكسكليۋزيۆتى كلۋبقا مۇشەلىكتى دە سەنىمدى دەپ ايتۋعا كەلمەيدى. مۇنداي كلۋبتار قازاقستاندىقتارعا كرۋيزدەر، جولدامالار، ساياحاتتار، بيزنەستى قۇرۋ جانە ىلگەرىلەتۋ بويىنشا ترەنينگتەر، ماركەتينگ، ينۆەستيتسيالاۋ، كوپيرايتينگ، سونداي-اق حيرومانتيا، استرونوميا، پسيحيكالىق تەپە-تەڭدىكتى جاقسارتۋ، پسيحولوگيا، نۋمەرولوگيا، سيمۆولدار، ماگيا جانە ت.ب. ۇسىنادى. بۇل جاعدايدا قاتىسۋشى باسقا ادامداردى تارتا وتىرىپ، باعدارلاماعا بايلانىستى بەلگىلى ءبىر مەرزىم ىشىندە كىرۋ جارناسىن  1-3 جىلدان 5-10 جىلعا دەيىن تولەۋى كەرەك.

قارجى پيراميدالارىن ۇيىمداستىرۋشىلاردىڭ تاعى ءبىر قۇرالى – بينارلىق وپتسيوندار پلاتفورماسى. پروتسەسس مىناداي تارتىپپەن جۇزەگە اسىرىلادى: ۇيىمداستىرۋشى الەۋمەتتىك جەلىلەر ارقىلى جەكە تۇلعالاردى باعالى قاعازدار نارىعىنداعى وپەراتسيالار بويىنشا وقىتۋعا تارتادى. بۇدان ءارى، وقىتۋدى وتكىزگەننەن كەيىن كليەنتكە باعالى قاعازداردى ساتىپ الۋ جانە ساتۋ وپەراتسيالارى، بينارلىق وپتسيوندارمەن وپەراتسيالار جاساۋ مۇمكىندىگى بولاتىن ارنايى پلاتفورما ۇسىنىلادى. كليەنت دەمو-شوتتى جانە ادامنىڭ اقشا تابۋىنا جاعداي جاسايتىن پلاتفورمانى قولدانا وتىرىپ وپەراتسيالاردى جۇزەگە اسىرا باستايدى. ءارى قاراي، كليەنت ناقتى اقشانى قولدانا وتىرىپ وپەراتسيالاردى جۇزەگە اسىرادى. ەگەر كليەنتتە اقشا قاراجاتى جەتكىلىكسىز بولسا، وندا ول شاقىرىلعان ءاربىر قاتىسۋشى ءۇشىن بونۋستار الا الادى. بۇل پلاتفورمالاردىڭ كوپشىلىگى شەتەلدىك، ال قازاقستان رەسپۋبليكاسىنىڭ اۋماعىندا تىركەلگەن كومپانيالار تەك كونسۋلتاتسيالىق قىزمەت كورسەتەدى. بۇل رەتتە، پلاتفورما ادەيى بارلىق وپەراتسيالار پايدالانۋشىلار ءۇشىن ءتيىمسىز بولاتىنداي ەتىپ جاسالعان.

«الاياقتاردان قالاي ساقتانۋ كەرەك؟ ەگەر سىزگە قىسقا مەرزىمدە ۇلكەن كىرىستىلىك ۇسىنسا، سىياقى الۋ ءۇشىن بىرنەشە قاتىسۋشىنى تارتۋدى ۇسىنسا، ءسىز باق-تان جانە ينتەرنەتتەن جاپپاي جارنامالىق ناۋقاندى كورسەڭىز، ساقتانۋىڭىز كەرەك. كومپانيانىڭ بەدەلىن جانە ول ۇسىنعان اقپاراتتىڭ دايەكتىلىگىن زەردەلەڭىز. دەپوزيت تارتۋعا قۇقىعى بار بارلىق قارجى ۇيىمىندا قر قارجى نارىعىن رەتتەۋ جانە دامىتۋ اگەنتتىگى ارقىلى قارجى رەتتەۋشىسىنىڭ ليتسەنزياسى بولۋعا ءتيىس. كومپانيانىڭ يەلەرى جانە باسشىلىعى تۋرالى اقپاراتتى تاۋىپ الىڭىز، سونداي-اق ونىڭ قايدا تىركەلگەنىن ءبىلىڭىز. ەگەر باسشىلىق تۋرالى دەرەكتەر قۇپيا، ال كومپانيانىڭ ءوزى الدەبىر وففشورلىق ايماقتا تىركەلگەن بولسا، وندا ويلانۋ كەرەك»، - دەدى شاعداروۆ.

قازاقستاندا سوڭعى ءۇش جىلدىڭ وزىندە عانا قارجى پيراميدالارىن قۇرۋدىڭ 180 جاعدايى تىركەلدى. جالپى زيان 8،3 ملرد تەڭگەنى قۇرادى. مىنانى ەستە ساقتاۋ كەرەك: قارجى پيراميدالارى قارجى ۇيىمدارىنا جاتپايدى جانە قارجى رەتتەۋشىسىنىڭ دەپوزيتتەر قابىلداۋعا، جەكە تۇلعالاردىڭ بانكتىك شوتتارىن اشۋعا جانە جۇرگىزۋگە ليتسەنزياسى بولمايدى، تيىسىنشە قارجى رەتتەۋشىسى باقىلامايدى. رەتتەلمەيتىن ۇيىمعا اقشا سالعان كەزدە ولاردىڭ تولىق جوعالىپ كەتۋ دەڭگەيى جوعارى بولادى، سەبەبى ونىڭ قاتىسۋشىلارىنىڭ اراسىنداعى ءوزارا قارىم-قاتىناس ءوزارا سەنىمگە نەگىزدەلدى جانە اقشانى بەرۋ جانە شوعىرلاندىرۋ بويىنشا ءىس-ارەكەتتەردى قاتىسۋشىلاردىڭ وزدەرى جاسايدى. سوندىقتان، قارجىلىق الاياقتىققا ۇرىنىپ قالماۋ ءۇشىن، قارجىلىق ساۋاتتىلىقتى ارتتىرۋ، قول قويۋ الدىندا بارلىق قۇجاتتى مۇقيات وقۋ جانە مامانداردىڭ كونسۋلتاتسياسىن الۋ، سۇراقتار قويۋ، سىزگە ۇسىنعان ءونىمدى زەردەلەۋ قاجەت. ەگەر ءسىز اقشاڭىزدى سەنىپ تاپسىراتىن ۇيىمدا قارجى نارىعىن رەتتەۋ جانە دامىتۋ اگەنتتىگىنىڭ ليتسەنزياسى بولسا، وندا اگەنتتىككە شاعىم جاساي الاسىز، بىراق قارجى پيراميدالارى بولعان جاعدايدا، ءسىزدىڭ اقشاڭىزدىڭ ساقتالۋىنا ەشكىم كەپىلدىك بەرە المايدى. ۇيىمدا ليتسەنزيانىڭ بولۋىن اگەنتتىكتىڭ finreg.kz سايتىنان تەكسەرۋ قاجەت.

 
سوڭعى جاڭالىقتار

75،7 ملن ادام ايتۆ جۇقتىردى

مەديتسينا • كەشە

2021 جىلعى ورازا كەستەسى

رۋحانيات • كەشە

ۇقساس جاڭالىقتار