قالا اكىمى الدىمەن «اقتاس – 2» شاعىناۋدانىنداعى باۋ-باقشانىڭ جۇمىسىن كورىپ, ماسەلەلەرىن تىڭدادى. رابات تاس جولى بويىندا ورنالاسقان الما باۋىنىڭ جالپى اۋماعى – 100 گا. 4 ءتۇرلى الما سورتىنان 250 مىڭ ءتۇپ الما اعاشى وتىرعىزىلعان. 2020 جىلى سۋ تاپشىلىعىنان ءونىم بەرۋ كورسەتكىشى تومەندەپ, جاز مەزگىلىندە 100 توننا, كۇز مەزگىلىندە 8 توننا ءونىم جينالعان.
بيىل الما اعاشتارىن بۇتاۋ جانە دارىلەۋ جۇمىستارىنا قوسىمشا قارجى ءبولىنىپ, جوسپار بويىنشا اعىمداعى جىلى 500-1000 توننا كولەمىندە ءونىم الۋ جوسپارلانىپ وتىر. سونىمەن قاتار, قوسىمشا 12500 ءتۇپ الما اعاشىن وتىرعىزۋ جوسپاردا.
جالپى وسى اتقارىلعان جۇمىستار ناتيجەسىندە جانە سۋ تاپشىلىعى تولىعىمەن شەشىلگەن جاعدايدا 100 گەكتاردان 3000-5000 تونناعا دەيىن ءونىم الۋعا مۇمكىندىك بار.
