بەدەلدى جارىسقا الەمدىك رەيتينگتىڭ ۇزدىك جۇزدىگىنە ەنگەن ويىنشىلار قاتىسادى. قازاقستان نامىسىن ميحايل كۋكۋشكين, دميتري پوپكو, الەكساندر نەدوۆەسوۆ, دەنيس ەۆسەەۆ, تيموفەي سكاتوۆ, گريگوري لوماكين جانە باسقالار قورعايدى.
«قازاقستان ءاستاناسى ىرى جارىستار قابىلدايدى. بۇكىل الەمدە كوروناۆيرۋستىق پاندەمياعا بايلانىستى كەستەدەگى ماتچتاردىڭ باسىم بولىگى توقتاتىلعاندىقتان, كاسىپقوي تەننيسشىلەر قاۋىمداستىعى قازاقستان تەننيس فەدەراتسياسىنان بىردەن ەكى تۋرنير وتكىزۋدى سۇرادى. بۇل سەريا اۆستراليا اشىق چەمپيوناتىندا ءوز ونەرىن اياقتاعان ويىنشىلار ءۇشىن بىردەن ەكى ۇلكەن تۋرنيرگە دايىندالۋعا جانە قاتىسۋعا تاماشا مۇمكىندىك. ءبىز قازاقستان قۇراماسىنىڭ بارلىق مۇشەلەرى قاتىسادى دەپ كۇتۋدەمىز. سپورتشىلارىمىز ۇپاي الۋعا, رەيتينگتەگى ءوز پوزيتسيالارىن جاقسارتۋعا بەرىلگەن مۇمكىندىكتى جىبەرمەۋ كەرەك, ەڭ الدىمەن بۇل وليمپيادا جولداماسىن يەلەنۋ ءۇشىن دە ماڭىزدى. بىز بۇعان دەيىن «چەللەندجەر» ساناتىنداعى جارىستار وتكىزگەن جوقپىز, بۇل ويىنداردا 100 جانە 125 ۇپاي ويناتىلادى. جوعارى دەڭگەيدەگى تۋرنير بولعاندىقتان, ەكى جارىسقا دا مىقتى ويىنشىلاردىڭ كەلۋىن كۇتەمىز – جارىسقا تىركەلگەن سپورتشىلاردىڭ ەسىمدەرى سوزىمىزگە دالەل», - دەپ اتاپ ءوتتى قازاقستان تەننيس فەدەراتسياسىنىڭ ۆيتسە-پرەزيدەنتى يۋري پولسكي.
ءتۋرنيردى وتكىزۋ كەزىندە سانيتارلىق-ەپيدەميولوگيالىق قاۋىپسىزدىكتىڭ جوعارى شارالارى ەسكەرىلىپ, ويىندار كورەرمەندەرسىز جانە قاتاڭ حاتتاما اياسىندا وتەدى. قاتاڭ ساقتالۋى تيىس ەرەجەگە بايلانىستى سپورتشىلار ەكسكۋرسياعا, مۇراجايلارعا بارىپ, قالا بويىنشا سەرۋەندەي المايدى.
