ونىڭ ايتۋىنشا, تۇركىستان وبلىسىندا اۆتوموبيل جولدارى مەن ەلدى مەكەن كوشەلەرىنىڭ جالپى ۇزىندىعى 17 286,6 شاقىرىمعا جەتكەن.
«2020 جىلدىڭ قورىتىندىسىمەن اتقارىلعان جۇمىستاردىڭ ناتيجەسىندە وبلىستىق جانە اۋداندىق ماڭىزى بار اۆتوموبيل جولدارىنىڭ جاقسى جانە قاناعاتتى جاعدايداعى ۇلەسى 79%-عا جەتىپ, جوسپار اسىرا ورىندالدى. وتكەن جىلى جالپى 868 نىسان نەمەسە 1 974,8 شاقىرىم جول مەن ەلدى مەكەن كوشەلەرى قۇرىس-جوندەۋ جۇمىستارىمەن قامتىلدى. جىل قورىتىندىسىمەن 828 نىسان, تيىسىنشە 1 525,4 شاقىرىم جول پايدالانۋعا بەرىلدى. بۇدان وزگە, بىلتىر وبلىستىق ماڭىزى بار اۆتوموبيل جولدارىنىڭ بويىنا 16 شاقىرىم - ۆەلوجول, 110,2 شاقىرىم – اياقجولدار, 4 621 دانا - جارىق شامدار ورناتىلدى», دەدى باسقارما باسشىسى.
سونىمەن قاتار ماقتاارال اۋدانىندا ورىن العان توتەنشە جاعداي سالدارىنان سۋ باسقان وبلىستىق ماڭىزى بار اۆتوموبيل جولدارى مەن كوشەلەرى قالپىنا كەلتىرىلىپ, ناتيجەسىندە 47,6 شاقىرىم جول مەن 4 كوپىرگە ورتاشا جوندەۋ جۇمىستارى جۇرگىزىلگەن. سونداي-اق تولەبي اۋدانىندا جاۋعان جاۋىن سالدارىنان زاقىمدانعان 14 شاقىرىم جول مەن سۋ شايىپ كەتكەن 3 كوپىرگە ورتاشا جوندەۋ جۇمىستارى جۇرگىزىلىپ, قالپىنا كەلتىرىلدى.
