ايماقتار • 15 اقپان، 2021

اتىراۋدا تۇرمەدە وتىرعاندار ارىز-شاعىمدى تەرمينالمەن بەرەدى

58 رەت كورسەتىلدى

اتىراۋ قالاسىنداعى تۇرمەلەرگە وتىرعاندار بۇدان بىلاي ارىز-شاعىمدى تەرمينالمەن بەرەتىن بولدى، دەپ حابارلايدى Egemen.kz

اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتى ءباسپاسوز قىزمەتىنىڭ اقپاراتىنا قاراعاندا، تۇرمەلەرگە ارنايى تەرمينال وبلىستىق پروكۋراتۋرامەن بىرلەسىپ ورناتىلىپتى. ەندى سوتتالعاندار تەرمينالداردان ساۋساق ءىزى ارقىلى قۇقىق قورعاۋ ورگاندارىنا شاعىم نەمەسە ءوتىنىش قالدىرىپ، ءۇش كۇندە جاۋاپ الاتىن بولادى.

«تەرمينالدار سوتتالعاندارعا قولجەتىمدى جەرگە قويىلدى. سوتتالعاندار جىبەرگەن ارىز-شاعىمدار بىردەن پروكۋرورعا نەمەسە وزگە دە قۇقىققورعاۋ ورگاندارىنا تۇسەدى. ياعني مەكەمە اكىمشىلىگى ارالاسا المايدى. ماسەلەن، ازاپتاۋعا قاتىستى ارىز-شاعىمدار سىبايلاس جەمقورلىقپەن كۇرەس قىزمەتىنە جولدانسا، قىزمەت وكىلەتتىكتەرىن اسىرا پايدالانۋعا بايلانىستى شاعىم پوليتسيا دەپارتامەنتىنىڭ وزىندىك قاۋىپسىزدىك بولىمشەسىنە جىبەرىلەدى. شاعىم نەمەسە ءوتىنىش تۇسىرگەن سوتتالعاننىڭ جەكە باسىن انىقتاۋ ساۋساق ىزدەرى ارقىلى ىسكە اسىرىلادى. ال شاعىمدى قاراۋ جانە شەشىم قابىلداۋ پروتسەسىن ونلاين باقىلاۋعا مۇمكىندىك بار»، دەيدى اتىراۋ وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى ماناربەك عابدۋللين.

ونىڭ ايتۋىنشا، بارلىق مەكەمەدەگى سوتتالعاندارعا تەرمينالدى قولدانۋ ءتارتىبى ءتۇسىندىرىلىپتى. سونداي-اق ارىز-شاعىمداردى مەكەمەلەردىڭ سەنىم تەلەفونى ارقىلى دا قالدىرۋعا بولادى.

سوڭعى جاڭالىقتار

9 سۋ قويماسى سالىنادى

ەكولوگيا • كەشە

ۇقساس جاڭالىقتار