ايماقتار • 15 اقپان، 2021

قاراعاندىدا وندىرىلگەن «سپۋتنيك V» ۆاكتسيناسى رەسمي تىركەلدى

71 رەت كورسەتىلدى

قازاقستاندا وندىرىلگەن «سپۋتنيك V» ۆاكتسيناسى دەنساۋلىق ساقتاۋ مينيسترلىگىندەگى ساراپتاما ۇيىمىنىڭ قورىتىندىسىن الىپ، رەسمي تۇردە تىركەلدى، دەپ حابارلايدى Egemen.kz.

قاراعاندى فارماتسەۆتيكالىق كەشەنىنىڭ ءباسپاسوز قىزمەتىنە سىلتەمە جاساپ.

«قاراعاندى فارماتسەۆتيكالىق كەشەنى قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنا قارسى «گام-كوۆيد-ۆاك» نەمەسە «سپۋتنيك V» دەپ اتالعان ۆاكتسينانى تىركەۋ ءراسىمىن اياقتادى. 2021 جىلدىڭ 13 اقپانىندا تىركەۋ دەرەكتەرى ماتەريالدارىن قاراۋ قورىتىندىسى بويىنشا ەكپەنىڭ قاۋىپسىزدىگى، ساپاسى جانە تيىمدىلىگى تۋرالى دەنساۋلىق ساقتاۋ مينيسترلىگى ساراپتاما ۇيىمىنىڭ قورىتىندىسى الىندى. قورىتىندى نەگىزىندە اتالعان مينيسترلىكتىڭ مەديتسينالىق جانە فارماتسەۆتيكالىق باقىلاۋ كوميتەتىنە تىركەۋ كۋالىگىن الۋعا ءوتىنىم جولداندى»، دەلىنگەن حابارلامادا.

الدىن الا ەسەپتەۋلەر بويىنشا، اقپان ايىنىڭ سوڭىندا ەلىمىزدىڭ بارلىق وڭىرلەرىنە قبك وندىرگەن ۆاكتسينانىڭ 90 مىڭعا جۋىق دوزاسىن جەتكىزۋ جوسپاردا بار.

ەسكە سالار بولساق، قازاقستاندا ۆاكتسينا ءوندىرۋ تۋرالى شەشىم قازاقستان دەنساۋلىق ساقتاۋ مينيسترلىگىنىڭ كوميسسياسى مەن رەسەيدىڭ تىكەلەي ينۆەستيتسيالار قورىنىڭ وكىلدەرى قازاقستاندىق فارماتسەۆتيكالىق كاسىپورىنداردى ارالاپ، زەرتتەگەننەن كەيىن قابىلدانعان بولاتىن. ال «سپۋتنيك V» ەكپەسى 1 اقپاننان باستاپ قازاقستاندا جاپپاي ۆاكتسينالاۋ ءۇشىن قولدانىلا باستادى.

ايتا كەتەتىن ءبىر جايت، قازاقستان «سپۋتنيك V» ۆاكتسيناسىن قولدانۋدى ماقۇلداعان 27-ءشى ەل بولدى.

 

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

ۇقساس جاڭالىقتار