«ىشكى ىستەر مينيسترلىگى مەملەكەتتىك قىزمەت كورسەتۋ پروتسەستەرىن وڭايلاتۋ, ولاردىڭ ساپاسى مەن حالىققا قولجەتىمدىلىگىن ارتتىرۋ بويىنشا جۇمىستاردى جالعاستىرىپ كەلەدى. وتكەن جىلى مينيسترلىك قۇرىلىمدارى 9 ميلليونعا جۋىق مەملەكەتتىك قىزمەت كورسەتتى. بۇگىندە ىشكى ىستەر ورگاندارى كورسەتەتىن 40 قىزمەتتىڭ 38-ءى نەمەسە 95 پايىزى اۆتوماتتاندىرىلعان», دەدى رەسمي وكىل ونلاين رەجيمدەگى بريفينگىدە.
ولاردىڭ ىشىندەگى كوپ سۇرانىسقا يە – اۆتوكولىكتى تىركەۋ, وعان 2 ميلليون 366 مىڭ ادام جۇگىنگەن.
«2 ميلليوننان استام ازاماتقا جەكە باستى كۋالاندىراتىن قۇجات بەرىلدى. ميلليونعا جۋىعى جۇرگىزۋشى كۋالىگىن العان. 2 ميلليوننان استام قازاقستاندىق تۇرعىلىقتى جەرى بويىنشا تىركەلدى. ىشكى ىستەر ءمينيسترى ەرلان تۇرعىمباەۆ اتاپ وتكەندەي, ءىىم-ءنىڭ مەملەكەتتىك قىزمەت كورسەتۋ سالاسىنداعى ەڭ باستى ۇستانىمى – قىزمەتتەردى اۆتوماتتاندىرۋ, جەدەلدىلىگىن ارتتىرۋ, اشىقتىعىن قامتاماسىز ەتۋ جانە سىبايلاس جەمقورلىقتى ازايتۋ بولىپ تابىلادى», - دەدى ن. وراز.
