جەڭىل ونەركاسىپ جانە سەرۆيس كوللەدجى وتكەن جىلى «جاس مامان» جوباسىنا قاتىسىپ, 371 ميلليون تەڭگەگە «تىگىنشى-كەستەلەۋشى» ماماندىعى ءۇشىن زاماناۋي ماتەريالدىق-تەحنيكالىق بازانى نىعايتۋ ماقساتىندا جاپوندىق «JUKI» كومپانياسىنىڭ زاماناۋي قۇرال-جابدىقتارىن العان. مۇنداعى جاڭا جابدىقتارمەن جۇمىس جاساۋ ءۇشىن كوللەدجدىڭ 30 مامانى ارنايى وقۋدان ءوتىپ, سەرتيفيكاتتارمەن راستالدى. جەڭىل ونەركاسىپ جانە سەرۆيس كوللەدجى وتكەن جىلى «جاس مامان» جوباسىنا قاتىسىپ, 371 ميلليون تەڭگەگە «تىگىنشى-كەستەلەۋشى» ماماندىعى ءۇشىن زاماناۋي ماتەريالدىق-تەحنيكالىق بازانى نىعايتۋ ماقساتىندا جاپوندىق «JUKI» كومپانياسىنىڭ زاماناۋي قۇرال-جابدىقتارىن العان. مۇنداعى جاڭا جابدىقتارمەن جۇمىس جاساۋ ءۇشىن كوللەدجدىڭ 30 مامانى ارنايى وقۋدان ءوتىپ, سەرتيفيكاتتارمەن راستالدى.
جەڭىل ونەركاسىپتىڭ قۇزىرەتتىلىك ورتالىعىن قۇرۋداعى ماقسات - اەا كاسىپورىندارى اراسىندا يننوۆاتسيالىق باعدارلامالار مەن تەحنولوگيالار تاجىريبەسىن ەنگىزۋ; وقىتۋ باعدارلامالارى ارقىلى وندىرىستەن پەداگوگتەردى, مامانداردى, ساراپشىلاردى قايتا دايارلاۋ; «WordSkills» ستاندارتتارى بويىنشا چەمپيوناتتاردى دايىنداۋ جانە ۇزدىك الەمدىك تاجىريبەلەردى ەنگىزۋ. ورتالىقتا «كەستەلەۋشى», «ساندىق مودەلەر», ء«پىشۋشى», «كيىم قۇراستىرۋشى», «مودەلەر-قۇراستىرۋشى», «تىگىن ءوندىرىسىنىڭ تەحنولوگى», «باس كيىم ءموديستى», «كيىم ديزاينى», «تىگىن جابدىعىنىڭ وپەراتورى» سەكىلدى قۇزىرەتتىلىكتەردى اشۋ كوزدەلىپ وتىر.
وندىرىستىك شەبەرحانالارمەن تانىسقان شاھار باسشىسى كوللەدجدەر مۇمكىندىگىن ءتيىمدى پايدالانا ءبىلۋ كەرەكتىگىن ايتتى.
- قالامىزدا 31 تەحنيكالىق جانە كاسىبي ءبىلىم بەرەتىن وقۋ ورداسى بار. وندا ءتۇرلى ماماندىق بويىنشا كادرلار دايىندالىپ جاتىر. جەڭىل ونەركاسىپتىڭ قۇزىرەتتىلىك ورتالىعى – ەلىمىزدەگى مۇنداي وزىق تەحنولوگيامەن جابدىقتالعان العاشقىلاردىڭ ءبىرى. سوندىقتان بازانىڭ مۇمكىندىكتەرىنە اسا كوڭىل ءبولىنۋ قاجەت. قالاداعى كاسىپتىك ءبىلىم بەرەتىن ۇيىمدارداعى ماماندىقتار نەگىزىندە ينۆەستورلارعا ۇسىناتىن ارنايى ءۇش تىلدە كىتاپشا ازىرلەنسىن. قىزىعۋشىلىق تانىتىپ كەلەتىن ينۆەستورلارعا وزىمىزدەگى دايىن كادرلاردى ۇسىنۋ ارقىلى جۇمىسسىزدىقتىڭ الدىن الامىز, ەكىنشى جاعىنان قالا الەۋەتىن دە كورسەتە الامىز, - دەپ سالا باسشىسىنا تاپسىرما بەردى.
«جاس مامان» جوباسى - قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆتىڭ 2019 جىلى جاستار جىلىنىڭ سالتاناتتى اشىلۋ راسىمىندە بەرگەن تاپسىرماسىنا سايكەس ازىرلەنگەن.
جوبانىڭ ماقساتى WorldSkills ستاندارتتارىنىڭ حالىقارالىق تاجىريبەسىن ەنگىزە وتىرىپ, تجكب ۇيىمدارىنداعى سۇرانىسقا يە 100 ماماندىقتى انىقتاۋ جانە قايتا جاڭعىرتۋ بولىپ تابىلادى. «جاس مامان» جوباسىن ىسكە اسىرۋ قورىتىندىلارى بويىنشا وقۋ ۇيىمدارى رەسپۋبليكالىق جانە حالىقارالىق دەڭگەيلەردە تالاپ ەتىلەتىن مامانداردى دايارلاۋ ءۇشىن قاجەتتى قازىرگى زامانعى جابدىقتارمەن جاراقتاندىرىلاتىن بولادى.
2020 جىلى اتالعان جوباعا قالامىزداعى 2 كوللەدج قاتىسىپ, 646 624 ملن تەڭگەگە جابدىقتار ساتىپ الىندى. ال بيىل 5 كوللەدجگە 1 ملرد 700 ملن تەڭگەگە ساپالى كادرلار دايارلاۋعا مۇمكىندىك بەرەتىن جابدىقتار الىنادى.
