شىعىس قازاقستان وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, قاڭتار ايىنىڭ سوڭىندا «102» جەدەل ارناسىنا 40 جاستاعى ايەل حابارلاسىپ, ءبىر جىلدان استام ۋاقىت بۇرىن تۇرعىن ءۇي ساتىپ الۋعا كومەكتەسۋگە ۋادە بەرگەن 31 جاستاعى قالا تۇرعىنىنا شارا قولدانۋدى سۇراعان.
«تەرگەۋ بارىسىندا 2019 جىلدىڭ تامىز ايىنىڭ ورتاسىندا كەيىننەن ساتىپ الۋ قۇقىعىمەن جالعا بەرىلەتىن تۇرعىن ءۇيدى رەسىمدەپ بەرەتىنىن ايتىپ سەندىرگەن الاياق جابىرلەنۋشىنىڭ 3 600 000 تەڭگە اقشاسىن قالتاعا باسقانى انىقتالدى. قازىر كۇدىكتى ءوز كىناسىن مويىنداپ وتىر», دەدى شقو پد باستىعى ساعات ماديەۆ.
ەر ادام سەمەي قالالىق پوليتسيا باسقارماسىنىڭ ۋاقىتشا ۇستاۋ يزولياتورىنا قاماۋعا الىنعان.
اتالعان فاكتى بويىنشا قر قك 190-بابى 3-بولىگى بويىنشا سوتقا دەيىنگى تەرگەۋ جۇرگىزىلىپ جاتىر.
