ۆيتسە-مينيستر ەرلان نىسانباەۆتىڭ ايتۋىنشا, مينيسترلىكتىڭ كەڭەيتىلگەن القا وتىرىسىندا قولدانىستاعى زاڭناماعا وزگەرىستەر مەن تولىقتىرۋلار ەنگىزىلدى, بۇل بالىق وسىرۋشىلەرگە جۇكتەمەنى ازايتۋعا مۇمكىندىك بەردى.
«قابىلدانعان شارالاردىڭ ناتيجەسىندە بالىق رەسۋرستارىن پايدالانعانى ءۇشىن جىلدىق تولەمنىڭ ورنىنا توقساندىق تولەم ەنگىزىلدى, بۇل بيزنەسكە قارجىلىق جۇكتەمەنى ايتارلىقتاي تومەندەتەدى. سونداي-اق, بالىق شارۋاشىلىعىن جۇرگىزۋ ءۇشىن بالىق شارۋاشىلىعى سۋ قويمالارىن بالىق اۋلاۋ مارتەبەسىنەن اۋىستىرۋ ەرەجەلەرى بەكىتىلدى», - دەدى ول.
ۆيتسە-مينيستر اتاپ وتكەن تاعى ءبىر جاڭالىق - بالىق شارۋاشىلىعىن جۇرگىزۋگە ارنالعان ۇلگىلىك شارتتى بەكىتۋ جانە وسى شارتتى جاساسۋدىڭ ناقتى مەرزىمىن 49 جىلعا بەلگىلەۋ. بۇل بيزنەسكە بالىق شارۋاشىلىعىنا سەنىممەن ينۆەستيتسيا سالۋعا جانە ۇزاق مەرزىمدى جوسپارلار قۇرۋعا مۇمكىندىك بەرەدى.
جىلدىڭ ماڭىزدى قورىتىندىسى – بالىق شارۋاشىلىعىن دامىتۋدىڭ 2030 جىلعا دەيىنگى باعدارلاماسىن قابىلداۋ, ونىڭ شەڭبەرىندە بالىق ءوسىرۋ كولەمىن جىلىنا 9-دان 270 مىڭ تونناعا دەيىن ۇلعايتۋ, 1200-دەن استام جاڭا بالىق ءوسىرۋ شارۋاشىلىعىن قۇرۋ جوسپارلانۋدا. سالا الدىنا قويىلعان مىندەتتەردى ءتيىمدى ىسكە اسىرۋ ءۇشىن مينيسترلىك جانىنان بالىق شارۋاشىلىعى كوميتەتى قايتا قۇرىلدى.
سونىمەن قاتار, بالىق رەسۋرستارىنىڭ تابيعي پوپۋلياتسياسىن ساقتاۋ ماقساتىندا مينيسترلىك زاڭسىز بالىق اۋلاۋشىلارعا 2020 جىلى 82 ملن.تەڭگەدەن استام ايىپپۇل سالدى, 6635 بۇزۋشىلىق انىقتالدى, 5249 ادام اكىمشىلىك جاۋاپكەرشىلىككە, 29 ادام قىلمىستىق جاۋاپكەرشىلىككە تارتىلدى.
«2020 جىلدىڭ باسىنان بەرى 85 ملن-نان استام بالىق شاباقتارىن قىرىلۋ قاۋپى بار جانە سۋ قويمالارىنان جانە كۇرىش چەكتەرىنەن قۇتقارۋ جۇمىستارى جۇرگىزىلدى. سونداي - اق, بالىق شارۋاشىلىعى سۋ ايدىندارىندا بالىقتىڭ قىرىلۋىن بولدىرماۋ ءۇشىن قىسقى كەزەڭدە 500 مىڭنان استام تەسىك, 86 مىڭعا جۋىق قامىس باۋ ورناتۋمەن 16 مىڭ ماين بۇرعىلاندى»,-دەدى ۆيتسە-مينيستر.
سونىمەن قاتار, ەرلان نىسانباەۆ 2018 جىلدان باستاپ 2020 جىلعا دەيىن جايىق وزەنىندە بالىق جۇزەتىن ارنالاردا ءتۇبىن تەرەڭدەتۋ جۇمىستارى جۇرگىزىلگەنىن, سوندىقتان بۇل وزەندەردە بالىق اۋلاۋ 2018 جىلمەن سالىستىرعاندا ورتا ەسەپپەن 30%-عا ارتقانىن اتاپ ءوتتى.
«2020 جىلى مەملەكەتتىك تاپسىرىس اياسىندا 69 ملن.دانادان استام قۇندى بالىق تۇرلەرىنىڭ شاباقتارى, ونىڭ ىشىندە 7 ملن. دانا بەكىرە بالىعى ءوسىرىلىپ, بالىق شارۋاشىلىعى سۋ ايدىندارىنا جىبەرىلدى. ال شارتتىق مىندەتتەمەلەر اياسىندا بالىق رەسۋرستارىن پايدالانۋشىلار 126 ملن. بالىق شاباقتارىن شىعاردى», - دەپ اتاپ ءوتتى ول.
ۆيتسە-ءمينيستردىڭ مالىمەتىنشە, بالىق رەسۋرستارىنىڭ تابيعي قورلارىنىڭ تۇراقتى جاي-كۇيىنىڭ ارقاسىندا 2020 جىلى 47 مىڭ توننا بالىق اۋلانىپ, 9 مىڭ تونناعا جۋىق تاۋارلى بالىق ءوسىرىلدى. شيكىزاتتىڭ بولۋى 38 ملن. اقش دوللارى سوماسىنا 24 مىڭ توننا كولەمىندە بالىق ونىمدەرىن وڭدەۋگە جانە ەكسپورتتاۋعا مۇمكىندىك بەردى.
