«بۇگىنگى كۇننەن باستاپ وتستاۆكاعا كەتەمىن. مەن ورىنسىز مالىمدەمەلەر جاساپ, قولايسىز جاعداي تۋدىردىم. وليمپياداعا دايىندىققا كەدەرگى بولماۋىم كەرەك ەدى», دەدى ول.
«توكيو-2020» ۇيىمداستىرۋ كوميتەتى اتقارۋشى كەڭەسىنىڭ وتىرىسىندا. يوسيرو ءموريدىڭ ورنىن جاپونياداعى وليمپيادا ىستەرى بويىنشا مينيستر سەيكو حاشيموتو باسۋى مۇمكىن. 83 جاستاعى موري جاپونياداعى وليمپيادانى ۇيىمداستىرۋ كوميتەتىن 2014 جىلدان بەرى باسقارادى. ءموريدىڭ وتستاۆكاعا كەتەتىنى تۋرالى 3 اقپان كۇنى ايتىلا باستادى.
يوسيرو موري 2020 جىلعى وليمپيادا ويىندارىنىڭ ۇيىمداستىرۋ كوميتەتىنىڭ وتىرىسىندا سپورت كوميتەتتەرى مەن فەدەراتسيالاردا ايەل سانىنىڭ كوبەيۋى جينالىستاردىڭ ۇزاققا سوزىلاتىنىنا اكەپ سوعاتىنىن ءمالىم ەتكەن ەدى.
توكيو وليمپياداسى 2020 جىلدىڭ 24 شىلدەسى مەن 9 تامىزى ارالىعىندا ءوتۋى ءتيىس ەدى. الايدا كوروناۆيرۋس پاندەمياسىنا بايلانىستى جارىس ءبىر جىلعا شەگەرىلدى. ەندى ويىندار 2021 جىلدىڭ 23 شىلدەسى مەن 8 تامىزى ارالىعىنا جوسپارلانىپ وتىر. بۇل جارىستاردىڭ اتاۋىن «توكيو-2020» دەپ قالدىردى. ال پاراليمپيادا ويىندارى 24 تامىز بەن 5 قىركۇيەك ارالىعىندا وتەدى.
