«Nur Otan» پارتياسىنىڭ توراعاسى, قر تۇڭعىش پرەزيدەنتى – ەلباسى نۇرسۇلتان نازارباەۆتىڭ تاپسىرماسى بويىنشا “وزگەرىستەر جولى: اركىمگە لايىقتى ءومىر!” پارتيانىڭ سايلاۋالدى باعدارلاماسىن جۇزەگە اسىرۋ جونىندەگى جول كارتاسى ازىرلەندى. مەملەكەت باسشىسى قاسىم-جومارت توقاەۆ سايلاۋالدى باعدارلامانىڭ ۋاقىتىلى ءارى ءتيىمدى ورىندالۋى بويىنشا شارالار قابىلداۋدى تاپسىردى», — دەدى ا. مامين قۇجاتتى دەپۋتاتتارعا تانىستىرا وتىرىپ.
جول كارتاسى سايلاۋالدى باعدارلامانىڭ ءتورت باعىتىن ىسكە اسىرۋ بويىنشا 362 ءىس-شارانى قامتيدى: «بارشاعا تەڭ مۇمكىندىكتەر», «زياتكەر, سالاماتتى جانە ىجداعاتتى ۇلت», «ەكونوميكا مەن وڭىرلەردىڭ تۇراقتى دامۋى», «حالىققا ەسەپ بەرەتىن مەملەكەت جانە جاۋاپتى ازاماتتار».
تۇرعىن ءۇي قۇرىلىسىنىڭ كولەمىن, ونىڭ ىشىندە جەڭىلدىكتى الەۋمەتتىك تۇرعىن ءۇي كولەمىن ۇلعايتۋ, ايەلدەر كاسىپكەرلىگىن, مەكتەپكە دەيىنگى جانە ورتا ءبىلىم بەرۋدى دامىتۋ ارقىلى قازاقستاندىق وتباسىلاردى قولداۋ مەن نىعايتۋ بويىنشا جۇيەلى شارالار ىسكە اسىرىلاتىن بولادى.
ۇكىمەت قالالار مەن اۋىلداردىڭ ينفراقۇرىلىمىن ودان ءارى دامىتۋ جانە جاڭعىرتۋ, رەسپۋبليكالىق جولداردى رەكونسترۋكتسيالاۋ جانە جول بويىنداعى سەرۆيسپەن قامتاماسىز ەتۋ جونىندە شارالار قابىلدايدى.
ساپالى جانە ورنىقتى ەكونوميكالىق ءوسىم تەڭگەرىمدى ماكروەكونوميكالىق ساياسات, ەكونوميكانى ودان ءارى ءارتاراپتاندىرۋ, ينۆەستيتسيالاردى تارگەتتەلگەن تارتۋ جانە ەكسپورتتى پرواكتيۆتى ىلگەرىلەتۋ ەسەبىنەن قامتاماسىز ەتىلەتىن بولادى.
حالىقتى جۇمىسپەن قامتۋدى ساقتاۋ جانە ۇلعايتۋ جونىندەگى كەشەندى شارالار ىسكە اسىرىلادى. جىل سايىن جۇمىسپەن قامتۋدىڭ بەلسەندى فورمالارىمەن كەمىندە 700 مىڭ ادام قامتىلاتىن بولادى. 2025 جىلعا قاراي بارلىق كورسەتىلەتىن مەملەكەتتىك قىزمەتتەر اۆتوماتتاندىرىلىپ, ەلەكتروندى فورماتقا كوشىرىلەدى.
«جول كارتاسىنىڭ ازىرلەنگەن جوباسى “Nur Otan” پارتياسىنىڭ “وزگەرىستەر جولى: اركىمگە لايىقتى ءومىر!” سايلاۋالدى باعدارلاماسىن تولىق ءارى ساپالى ىسكە اسىرۋ جونىندەگى بارلىق قاجەتتى شارالاردى قامتيدى. ۇكىمەت بارلىق ءىس-شارالاردىڭ ۋاقىتىلى ورىندالۋىن قامتاماسىز ەتەدى. بارلىق شارالاردى ىسكە اسىرۋدىڭ ناتيجەسى جاڭا شىنايىلىق جاعدايىندا حالىقتىڭ تۇرمىس ساپاسى مەن ءال-اۋقاتىنىڭ ناقتى ارتۋى بولادى», — دەدى ا. مامين.
پرەمەر-مينيستر ءسوز سويلەگەن سوڭ ۇكىمەت مۇشەلەرى دەپۋتاتتاردىڭ «Nur Otan» پارتياسىنىڭ سايلاۋالدى باعدارلاماسىن ىسكە اسىرۋدىڭ ءتۇرلى اسپەكتىلەرى تۋرالى سۇراقتارىنا جاۋاپ بەردى.
