سۋرەت: ازاماتتارعا ارنالعان ۇكىمەت
بۇعان دەيىن ول تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ شتاتتان تىس كەڭەسشىسى قىزمەتىن اتقارعان.
بايرام ازيزوۆ 1987 جىلى 15 مامىردا دۇنيەگە كەلگەن. 2008 جىلى اباي اتىنداعى قازاق پەداگوگيكالىق ۋنيۆەرسيتەتىن "ورىس ءتىلى, اعىلشىن ءتىلى جانە ادەبيەتى" ماماندىعى بويىنشا بىتىرگەن.
ەڭبەك جولىن 2007 جىلى "بيزنەس ي ۆلاست" باسپاسىندا ساقتاندىرۋ نارىعىنا قاتىستى تاقىرىپتاردا جازاتىن ءتىلشى بولىپ باستاعان. 2008 جىلدان باستاپ 2010 جىلعا دەيىن بتا بانكىنىڭ ساقتاندىرۋ كومپانيالارى توبىنىڭ (بتا جيزن, بتا زابوتا, بتا ستراحوۆانيە) ءباسپاسوز حاتشىسى بولىپ جۇمىس ىستەدى. 2010 جىلدان باستاپ 2014 جىلعا دەيىن "كار-تەل" جشس-دا (تم Beeline) قوعاممەن بايلانىس قىزمەتىن باسقارىپ, قازاقستاندا 3G جەلىلەرىن قۇرۋ ءىسىن اقپاراتتاندىرۋدىڭ باستاۋىندا بولدى, ەل باسشىلىعىنا 4G مۇمكىندىكتەرىنىڭ العاشقى تانىستىرىلىمىن وتكىزدى. "سامۇرىق-قازىنا" "ۇاق" اق ترانسفورماتسيالاۋ باعدارلاماسىنىڭ قاتىسۋشىسى بولىپ, "قازپوشتا" اق-دا ماركەتينگ, جارناما جانە PR دەپارتامەنتىن باسقارا ءجۇرىپ, كومپانيانىڭ وڭىرلىك بولىمشەلەرىمەن ءوزارا ءىس-قيمىل پروتسەستەرىن قالىپتاستىردى.
كەيىن "قازاقستاننىڭ تۇرعىن ءۇي قۇرىلىس جيناق بانكى" اق باسقارما توراعاسىنىڭ سىرتقى جانە ىشكى كوممۋنيكاتسيالار جونىندەگى كەڭەسشىسى بولىپ جۇمىس ىستەدى, "سبەربانك قازاقستان" اق ەك ماركەتينگ جانە كوممۋنيكاتسيالار باسقارماسىن باسقاردى.
2019 جىلدان باستاپ نۇر-سۇلتان قالاسىندا بيزنەستىڭ جاڭا باعىتىن دامىتا وتىرىپ, TAG media جارناما اگەنتتىگىنىڭ اتقارۋشى ديرەكتورى بولدى.
جاڭا لاۋازىمدا بايرام ازيزوۆ كوممۋنيكاتسيا ماسەلەلەرىن – سەرۆيستى قۇرۋ, مەملەكەتتىك كورپوراتسيانىڭ وڭ ءيميدجىن قالىپتاستىرۋ مىندەتتەرىن ورىندايتىن بولادى.
