جۇما كۇنى ەل بيلىگى مەملەكەتتىڭ تاعى ءۇش ايماعى, ونىڭ ىشىندە ەپيدەميالىق وشاقتار كوپتەپ تىركەلگەن اتتيكا دا اقپان ايىنىڭ ورتاسىنا دەيىن اتالعان شارانى جۇزەگە اسىراتىنىن مالىمدەدى.
⠀
اۋستريادا جاڭا ەرەجەلەر قولدانىسقا ەندى, دۇكەندەردە ءار تۇتىنۋشىعا كەمىندە 20 شارشى مەتر ورىن ءبولىنۋى كەرەك. دۇيسەنبىدەن باستاپ شاشتارازدار مەن سۇلۋلىق سالوندارى كەلۋشىلەرگە تەك كوۆيد سىناماسىنىڭ تەرىس ناتيجەسىن ۇسىنعان جاعدايدا عانا قىزمەت كورسەتەتىن بولادى.
⠀
پولشادا شەكتەۋلەر بىرتىندەپ الىنىپ تاستالۋدا. اپتانىڭ باسىنان باستاپ ەلدە ساۋدا ورتالىقتارى مەن مۇراجايلار اشىلعان, ال 12 اقپاندا قوناق ۇيلەر, ويىن-ساۋىق ورتالىقتارى مەن اشىق سپورت الاڭدارى, ونىڭ ىشىندە تاۋ شاڭعىسى الاڭدارى قايتا ىسكە قوسىلادى.
فرانتسيانىڭ تاۋ شاڭعىسى كۋرورتتارىندا كوتەرگىشتەر كەم دەگەندە اقپان ايىنىڭ سوڭىنا دەيىن جابىق كۇيىندە قالادى. سوندىقتان قوناق ۇيلەر مەن شاڭعى تراسسالارى اشىق بولعانىنا قاراماستان, بۇل كەزەڭدە ادەتتەگى تۋريستەر اعىنى كۇتىلمەۋدە.
ەۋرووداق ەلدەرى وتكەن بەيسەنبىدە ەۋروپالىق ءدارى-دارمەكتەر اگەنتتىگى ماقۇلداعان بريتاندىق AstraZeneca ۆاكتسيناسىمەن ازاماتتارىن ەگۋ جۇمىستارىن باستادى.
⠀
ۆاكتسينالارمەن قامتاماسىز ەتۋ پروبلەمالارى اياسىندا ەۋروپا ەلدەرى ەكپەلەردىڭ اسسورتيمەنتىن ۇلعايتۋعا, اتاپ ايتقاندا, رەسەيلىك جانە قىتايلىق ازىرلەمەلەردىڭ ارقاسىندا كەڭەيتۋگە نيەتتى. اۋستريا مەن سلوۆاكيا اتالعان ەلدەردىڭ پرەپوراتتارى ەو-دا ليتسەنزيا السا, وسى ۆاكتسينالاردى شىعارۋعا دايىن ەكەندىكتەرىن مالىمدەدى.
