شارا بارىسىندا 4826 قارۋ يەcى تەكسەرىلىپ, 84 اكىمشىلىك قۇقىق بۇزۋشىلىق انىقتالدى. قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 482-بابىنا (جەكە جانە زاڭدى تۇلعالاردىڭ قارۋدى زاڭسىز يەلەنىپ الۋى, بەرۋى, وتكىزۋى, ساقتاۋى, الىپ ءجۇرۋi, تاسىمالداۋى) سايكەس زاڭسىز اينالىمنان 24 دانا قارۋ تاركىلەندى.
4 اقپان كۇنى ايدارلى اۋىلىنىڭ 26 جاستاعى تۇرعىنىنىڭ سارايىنان ىشكى ىستەر ورگاندارىندا تىركەلمەگەن, 2 ۇڭعىلى 16 كاليبرلى اڭشى مىلتىعى الىندى. 5 اقپان كۇنى قىزىلوردا قالاسىنداعى جالدامالى پاتەرلەردىڭ ءبىرىن تەكسەرۋ كەزىندە 28 جاستاعى ازاماتتىڭ ىشكى ىستەر ورگاندارىندا تىركەلمەگەن 8 مم گازدى تاپانشانى 8 دانا وعىمەن بىرگە زاڭسىز ساقتاپ جۇرگەنى انىقتالعان.
سونىمەن قاتار قازاقستان رەسپۋبليكاسى اكىمشىلىك قۇقىق بۇزۋشىلىق تۋرالى كودەكسىنىڭ 484-بابىنا (ازاماتتىق, قىزمەتتىك, ماراپاتتىق, كوللەكتسيالىق قارۋدى, ونىڭ پاتروندارىن يەلەنۋ, بەرۋ, ەسەپكە الۋ, ساقتاۋ, پايدالانۋ, تاسىمالداۋ, قازاقستان رەسپۋبليكاسىنىڭ اۋماعىنا اكەلۋ, قازاقستان رەسپۋبليكاسىنىڭ اۋماعىنان اكەتۋ جانە قازاقستان رەسپۋبليكاسىنىڭ اۋماعى ارقىلى ترانزيتپەن وتكىزۋ ءتارتىبىن بۇزۋ) سايكەس 26 ازاماتقا, 486-بابىنا سايكەس (ازاماتتىق, قىزمەتتiك, ماراپاتتىق, كوللەكتسيالىق قارۋدى تiركەۋ (قايتا تiركەۋ) نە ونى ەسەپكە قويۋ ءتارتىبىن بۇزۋ) 34 ازاماتقا قاتىستى اكىمشىلىك شارا قولدانىلدى.
