دجوردج شۋلتس اقش-تىڭ 40-شى پرەزيدەنتى رونالد رەيگانمەن بىرگە قىرعي قاباق سوعىستى توقتاتۋ ءۇشىن ديپلوماتيا قۇرالدارىن قولدانا وتىرىپ, تاريحتىڭ باعىتىن وزگەرتۋدە ماڭىزدى ءرول اتقارعان ساياساتكەر. سونداي-اق ول ريچارد نيكسون, رونالد رەيگان سىندى امەريكاندىق كوشباسشىلاردىڭ اكىمشىلىكتەرىندە ماڭىزدى قىزمەتتەر اتقاردى. ءار جىلدارى ەڭبەك جانە قارجى ءمينيسترى, اق ءۇيدىڭ اكىمشىلىك-بيۋدجەتتىك باسقارماسىنىڭ باسشىسى, اقش-تىڭ مەملەكەتتىك حاتشىسى بولدى.
ينستيتۋت سايتىنداعى ءشۋلتستىڭ ءومىربايانىندا ول «اقش تاريحىنداعى پرەزيدەنتتىك كابينەتتە ءتورت ءتۇرلى لاۋازىمعا يە بولعان ەكى ادامنىڭ ءبىرى» ەكەندىگى ايتىلعان. مالىمدەمەدە كەلتىرىلگەن باعالاۋعا سايكەس, شۋلتس امەريكا تاريحىنداعى «ەڭ ىقپالدى مەملەكەت قايراتكەرلەرىنىڭ ءبىرى» بولعان.
