"2021 جىلدىڭ 3 اقپانىندا "Elorda Eco System" شجق مكك نوسەر كارىزدەرى جەلىلەرىن ەسەپكە الۋ جانە باقىلاۋ ءبولىمىنىڭ ماماندارى نۇر-سۇلتان قالاسى الماتى اۋدانى ەدىل كوشەسى №26/6 مەكەنجايىنداعى نوسەر كارىزى جەلىسىنە “ۆوستوچنايا كۋحنيا” كافەسىنىڭ رۇقساتسىز قوسىلعانىن انىقتادى", دەلىنگەن كاسىپورىن حابارلاماسىندا.
ايتا كەتۋ كەرەك, نوسەر كارىزى جەلىسىنە زاڭسىز قوسىلۋ مەن توگىندىلەر ەكولوگياعا ۇلكەن زيان كەلتىرەدى. سەبەبى نوسەر كارىز جەلىسىنە قۇيىلىپ, قوسىمشا كۇش تۇسىرەدى. بۇل ءوز كەزەگىندە نوسەر سۋىنىڭ ماگيسترالدىق جەلىلەرگە قۇيىلا الماۋىنا الىپ كەلەدى. سول سياقتى ەسىل, سارىبۇلاق, اقبۇلاق سۋ ايدىندارى مەن وزەندەرىنە ايتارلىقتاي زيان كەلەدى. نوسەرلى كارىز جەلىلەرى تەك نوسەرلى سۋلاردى قابىلداۋعا ارنالعان.
