دۇنيەجۇزىلىك سايلاۋ كۇنى اقپاننىڭ العاشقى بەيسەنبىسىندە اتاپ وتىلەدى. بۇل كۇن 2005 جىلى وتكەن سايلاۋ ۇيىمدارىنىڭ كونفەرەنتسياسىندا بەكىتىلگەن.
ءىس-شاراعا قالالىق سايلاۋ كوميسسياسىنىڭ, اكىمدىك, ءماسليحات جانە ساياسي پارتيا فيليالدارىنىڭ وكىلدەرى قاتىستى.
«بۇل كۇن ازاماتتاردىڭ سايلاۋ قۇقىعىن قامتاماسىز ەتۋگە جانە سايلاۋ پروتسەستەرىن جەتىلدىرۋ پروبلەماسىنا جۇرتشىلىق نازارىن اۋدارۋ ءۇشىن ارنالعان. سول سياقتى الەمدىك دەموكراتيا پروتسەسىن نىعايتۋعا, سايلاۋ تۋرالى تۇسىنىكتى كەڭەيتۋگە جانە سايلاۋشىلاردىڭ داۋىس بەرۋگە قىزىعۋشىلىعىن ارتتىرۋعا باعىتتالعان», - دەدى باقىت بەكتەمىسوۆا.
ەلوردا ءماسليحاتىنىڭ حاتشىسى ەرلان قاناليموۆ تاياۋداعى سايلاۋدىڭ قورىتىندىلارىنا توقتالىپ ءوتتى.
«پارلامەنت ءماجىلىسى مەن ءماسليحات دەپۋتاتتارىنىڭ سايلاۋى ەلوردادا بەس ساياسي پارتيا وكىلدەرى مەن باقىلاۋشىلاردىڭ قاتىسۋىمەن جوعارى دەڭگەيدە ءوتتى. قۇقىقتىق ءتارتىپ پەن ەپيدەميولوگيالىق قاۋىپسىزدىكتى قامتاماسىز ەتۋدە پوليتسيا جانە تج دەپارتامەنتتەرىنىڭ قىزمەتكەرلەرى, سونداي-اق دارىگەرلەر ۇلكەن قولداۋ كورسەتتى. بارلىق قابىلدانعان شارالاردىڭ ارقاسىندا سايلاۋشىلاردىڭ كوپتەپ كەلۋىنە قول جەتكىزدىك», - دەدى ەرلان قاناليموۆ.
دوڭگەلەك ۇستەل بارىسىندا قاتىسۋشىلار ءوز ۇسىنىستارىن ايتىپ, سايلاۋ پروتسەسىن ۇيىمداستىرۋ سالاسىنداعى وتاندىق زاڭنامانى جەتىلدىرۋ جونىندەگى شارالاردى تالقىلادى.
